သုၼ်ႇလႆႈၵူၼ်း

 သုၼ်ႇလႆႈသုၼ်ႇပဵၼ်ၵူၼ်းမိူင်းတႆး တေလႆႈပိုင်ႈဢိင်ၸႂ်ယႂ်ႇၽႂ်

ႁၢင်ႈလုင်းႁဵင်သႅင်ႁၢၼ်

လုင်းႁဵင်သႅင်ႁၢၼ် (လုင်းပုၼ်ႉ) ဝၢၼ်ႈၵုင်ႇသႃႇ ဝဵင်းသီႇပေႃႉ 

ၸိုင်ႈတႆး ပွတ်းႁွင်ႇ ထုၵ်ႇၵူၼ်းသိုၵ်းပႃႇတီႇမႂ်ႇသုင်ၸိုင်ႈတႆး 

တပ်ႉသိုၵ်းဝၢၼ်ႈႁႆးShan State Progress Party 

Shan State Army / SSPP/SSA

ယိုဝ်းၶႃႈႂႁႅမ်တၢႆမိူဝ်ႈၶမ်ႈဝၼ်းတီႈ 07/01/2021 လူၺ်ႈဢမ်ႇမီး         

တပ်ႉသိုၵ်းဝၢၼ်ႈႁႆး ၸုမ်း 999 ဢၼ်ၸဝ်ႈသႅင်ၾ ဢွၼ်ႁူဝ်ဢဝ်ပၵ်းပိူင်ၼႂ်းမူႇၸုမ်းၶဝ်သေမပ်ႇၼေးၵူၼမိူင်းလႄႈၸဝ်ႈသင်ႇၶႃႇဝႃႈၵမ်ႉꩪႅမ်သိုၵ်းၶူဝ်းလၢႆးၼႆသေၶႃႈႁႅမ်တၢႆပႅတ်ႈၸဝ်ႈသင်ႇၶႃႇလႄႈၵူၼ်မိူင်းမႃးတၢင်းၼမ်ယဝ်ႉ ။ 

မိူဝ်ႈဝၼ်းတီႈ 7/1/2021 ၶၢဝ်းယၢမ်းၵၢင်ၶမ်ႈ 7:00 မွင်းၼၼ်ႉၸုမ်းSSPP/SSA ဝၢၼ်ႈႁႆး ၸဝ်ႈဝီႉဢွၼ်ဢဝ်လုၵ်ႈၼွင်တပေးမၼ်းမိူဝ်းၺွပ်းဢဝ်တူဝ်လုင်းႁဵင်သႅင်ႁၢၼ်တီႈႁိူၼ်းမၼ်းဝၢၼ်ႈၵုင်းသႃႇဢဝ်ၶိုၼ်ႈၵႃးသေဢွၵ်ႇၵႂႃႇတၢင်းၼွင်တုမ်ၽႃၶိူဝ်းသေယိုဝ်းတၢႆပႅတ်ႈၸွမ်းတၢင်းၶိုၼ်းၼၼ်ႉၵမ်းလဵဝ်။

လူင်းသႅင်ႁၢၼ်ၼႆႉပဵၼ်ၵူၼ်းလီဢၼ်ၵူၼ်းတၢင်းၼမ်ဢၼ်ၵူၼ်းတၢင်းၼမ်လႆႈပိုင်ႈ

ဢိင်ၸႂ်ယႂ်ႇလႄႈမီးၸႂ်မႅတ်ႉတႃႇၼိူဝ်ၵူၼ်းတၢင်းၼမ်ဢမ်ႇမီးၸႂ်ၽႃႇၵၢင်ဝၢင်းၶိုင်ႈ

မၼ်းၶဝ်ႈဢွၵ်ႇႁႃၵူႈမူႈၵူႈၸုမ်းၼႆယူႇၶႃႈထႅင်ႈလွင်ႈၼိုင်ႈဢဝ်ၶၢဝ်းယၢမ်းၼႂ်းၸူဝ်ႈ

ပၢၼ်မၼ်းဝႆႉပၼ်ပုၼ်ႈၵူၼ်းတၢင်းၼမ်။မိူဝ်ႈဝၼ်းတီႈ 17/1/2021 ၸဝ်ႈသြႃႇပၢင်လူင် 

ၼမ်ႉတူႈ ၊ ၸဝ်ႈသြႃႇလူင်ၵျွင်းသီႇပေႃႉ ၸဝ်ႈသြႃႇၵေႃးသႃႇလ ၵျွင်းၵၢင် သဵင်းတၢင်ႉ

ယၢၼ်း ၊ ၸဝ်ႈသြႃႇလူင်ၵုင်းသႃႇလူင်ယုမ်း ၊ လုင်းၸၢႆးလႃႉ ႁူဝ်ပဝ်ႈမိူင်းၵၢဝ်တၢင်ႉယၢၼ်း ၊

လုင်းၶမ်းလဵၵ်ႉလုင်းၸရေးၵေႃႇမိူင်းလႄႈၵူၼ်းဝၢၼ်ႈၵုင်းသႃႇၵမ်ႈၽွင်ႈလႆႈဢွၼ်ၵၼ် 

ၵႂႃႇတီႈဝၢၼ်ႁႆး ၵႂႃႇတွင်ႈꩪၢမ်ဢၼ်ၵူၼ်းၼႂ်းၸုမ်း SSPP/SSA တိၺွပ်းၵႂႃႇလုင်းသႅင်ႁၢၼ်။

ၽူႈယႂ်ႇၵူၼ်းလူင်ၼႂ်းၸုမ်းဝၢၼ်ႈႁႆးဢၼ်ႁပ်ႉဢုပ်ႇဢူဝ်းၸွမ်းၶဝ်ၼၼ် ၸဝ်ႈသၢႆၾႃႉ ၊ ၸဝ်ႈထိူၼ်ႇမိူင်း ၊ၸဝ်ႈလိူၼ် ၽူႈၼင်ႈလုမ်း ၊ ၶဝ်ၸိူဝ်းၼႆႉလႆႈလၢတ်ႈဝႃႈ ႁဝ်းၵေႃႈလႆႈယိၼ်းယူႇဝႃႈၵူၼ်းၼႂ်းၵႂႃႇၺွပ်းၼၼ်ႉမီးတၢင်းၽိတ်းသင်လၢႆလၢႆပႆႇလႆႈႁူႉလီလီ။ ယူႇတီႃငဝ်ႈငုၼ်းလႆႈသင်ႇၵႂႃႇႁႂ်ႈဢဝ်တူဝ်လုင်းႁဵင်သူင်ႇမႃးတီႈငဝ်ႈငုၼ်း ယဝ်ႉ ၵူၺ်းၵႃႈဝႃႈမိူဝ်ႈလဵဝ်ပႆႇႁွတ်ႈၽႅဝ်မႃး။ 

တွပ်ႇၵႂၢမ်းပၼ်ၼင်ႇၼႆ လွင်ႈဢၼ်ၶဝ်လႆႈယိုဝ်းလုင်းသႅင်ႁၢၼ်တၢႆယဝ်ႉၼၼ်ႉၶဝ်ဢမ်ႇလၢတ်ႈဢွၵ်ႇသေဢမ်ႇၵႃးပၢႆသိူင်ႇသိမ်းလပ်ႉဝႆႉလူႈၵွၼ်ႇ။

ၶဝ်ၸဝ်ႈၸိူဝ်းၼၼ်ႉသမ်ႉပၢႆလၢတ်ႈပၼ်တီႈၵူၼ်းမိူင်းလႄႈသင်ႇၶႃႇၸဝ်ႈၸိူဝ်းၵႂႃႇႁူပ်ႉဢုပ်ႇၶဝ်ၼၼ်ႉထႅင်ႈဝႃႈယႃႇဢႃႈၶႃၺၢပ်ႈႁွင်ႈ ယႃႇႁဵတ်းၸႂ်သွင်သဵၼ်ႈ

 ယႃႇႁဵတ်းၵူၼ်းလၢႆၽၢႆႇ ပၢႆလၢတ်ႈၵႂၢမ်းၸိူင်ႉၼႆပၼ်ၶဝ်ထႅင်ႈၵွၼ်ဝႃႈၼႆယဝ်ႉ။မိူဝ်ႈဝၼ်းတီႈ 22/01/2021 ၸုမ်း SSPP/SSA ၸဝ်ႈသီႇႁလႆႈႁွင်ႉ

ၸုမ်းပွင်ၵၢၼ်ပႃႇတီႁူဝ်သိူဝ် လႄႈတႅၼ်းၽွွင်း သီႇပေႃႉ ၊ လႃႈသဵဝ်ႈ ၊ သႅၼ်ဝီ ၊ တၢင်ႉယၢၼ်း ၊ မူႇၸႄႊ ႁူမ်ႈ 10 ၵေႃႉၸုမ်းသင်ႇၶၸဝ်ႈ။

ၽူႈၶၼ်ပၢၵ်ႇၸုမ်းဝၢၼ်ႈႁၢမ်းsspp ဢၢႆႈသူႉ/ၽူင်းႁၢၼ်ႇ။

ပွတ်းႁွင်ႇ 10 တူၼ် ၸုမ်းဝူင်းမႅတ်ႉတႃႇ လႄႈ ၵူၼ်းမိူင်းဝၢၼ်ႈၵုင်းသႃႇ ႁူမ်ႈတၢင်းမူတ်း40ပၢႆၵႂႃႇႁူပ်ႉꩪူပ်းၶဝ် ။ ၼႂ်းၸုမ်း SSPP/SSA 

ၸူိဝ်းဢၼ်ၶဝ်ႁွင်ႉဝႆႉသမ်ႉ ၸဝ်ႈတုမ်ႇၶမ်းသူၼ် ၊ ၸဝ်ႈသီႇႁၸဝ်ႈဝီႉမႃႇလ ၶဝ်ၸဝ်ႈၸိူဝ်းၼႆႉလႆႈမွၵ်ႇလၢတ်ႈၶေႃႈသၢင်းလၢင်းပၼ်ဝႃႈ လွင်ႈဝႃႈလုင်းႁဵင်သႅင်ႁၢၼ်ၼၼ်ႉၶဝ်ႁွင်ႉၵႂႃႇလီလီမၼ်းသမ်ႉလႅၼ်ႈပၢႆႈလႄႈၵူၼ်းသိုၵ်းၶဝ်လႆႈယိုဝ်းတၢႆပႅတ်ႈယဝ်ႉဝႃႈၼႆ။ 

တၢင်ႇပွၵ်ႈမိူဝ်းၼႃႈမႃးၼင်ႇႁိုဝ်တေဢမ်ႇပဵၼ်ထႅင်ႈၸိူင်ႉၼၼၼ်ႉတေၶတ်းၸႂ်ထိင်းၵၼ်ၵႂႃႇယူႇဝႃႈၼႆသေယဝ်ႉ

ငိုၼ်းတႃႇႁႅၼ်းသွမ်းပၼ်လုင်းသႅင်ႁၢၼ်ဝႃႈၼၼ်သေဢဝ်ငိုၼ်း 5 လၢၼ်ႉဢၢပ်ႈပၼ်တီႈပီႈၼွင်ႉလုင်းသႅင်ႁၢၼ်ဢမ်ၢမီးၽႂ်ႁပ်ႉဢဝ်သေၵေႃႉလႄႈဢဝ်ငိုၼ်းၼၼ်ႉဢၢပ်ႈပၼ်တီႈသြႃႇၸဝ်ႈသီႇပေႃႉၵႂႃႇ။

မိူဝ်ႈဝၼ်းတီႈ23/1/2021 ပီႈၼွင်ႉဝၢၼ်ႈၵုင်းသႃႇလႄႈသင်ႇၶၸဝ်ႈဢိၵ်ႇတၢင်းၸုမ်းၽွင်းတႅၼ်း

ၸုမ်းပရႁိတၶဝ်လႆႈၵႂႃႇထူပ်းႁၼ်ၶၢပ်ႈတူဝ်လုင်သႅင်ႁၢၼ်ၼႂ်းၵႄႈဝၢၼ်ႈၼႃးၽိမ်းလႄႈၽႃၶိူဝ်းၵႃး42လမ်း

ႁႅင်းၵူၼ်းတၢင်းသဵင်ႈမွၵ်ႈ300 ဢၢၼ်းၵႂႃႇဢဝ်ၶၢပ်ႈတူဝ်လုင်းႁဵင်သႅင်ႁၢၼ်မိူဝ်းလုမ်းလႃးတီႈသီႇပေႃႉၼႆသေ

တႃႉၵူၺ်းၵႃႈၽၢႆႇၸုမ်းSSPP/SSA ၶဝ်ဢမ်ႇယွမ်းပၼ်ဢဝ်မိူဝ်းသေဢမ်ႇၵႃးၶဝ်ဢမ်ႇပၼ်ထႆႇၶႅပ်းႁၢင်ႈ

ဢမ်ႇပၼ်ထႆႇ VIDEO ယွၼ်ႉၼၼ်လႄႈလႆႈၽဝ်ၶၢပ်ႈတူဝ်လုင်းႁဵင်သႅင်ႁၢၼ်တီႈၼၼ်ႉသေဢဝ်လုပ်ႇမၼ်း

မိူဝ်းၵူၺ်းၼႆယဝ်ႉ ။

 မိူဝ်ႈသင်ႇၶၸဝ်ႈလႄႈၵူၼ်းဝၢၼ်ၶိုၼ်းဢွၵ်ႇမႃးၼၼ်ႉၵေႃႈၸုမ်းSSPP/SSA ၸႅတ်ႈတူၺ်းၼႂ်းၽူင်းၵူႈၵေႃႉၼႆယဝ်ႉ။ 

 

လုၵ်းဢၼ်ၸုမ်းၵေႃႇၵၢၼ်ႁၢႆႉssppဢဝ်ၶၢပ်ႈတူဝ်လုင်းသႅင်ႁၢၼ်ပႅတ်ႈဝႆႉ။

လွင်ႈတၢင်းလႄႈပိူင်ပဵၼ်မၼ်းတႄႉ လုင်းႁဵင်သႅင်ႁၢၼ်ၼႆႉလႆႈထုၵ်ႇၸုမ်းမိူၵ်ႈလိူင်းၽၢႆႇSSPP/SSA ဝၢၼ်ႈ

ႁႆးၶဝ်ထၢင်ႇထိူမ်သေၵဝ်ၢၼေးဝႃႈ ၵပ်းသိုပ်ႇ ထွၵ်ႈၶၢမ်ႇ ၸွႆႈလိူဝ်သိုၵ်းတႆး RCSS ၼႆသေမိူဝ်ႈဝၼ်းတီႈ

7/1/2021 ၼၼၼ်ႉဢၼ်ပဵၼ်ၸဝ်ႈဝီႉတပ်ႉ 999 ၽၢႆႇတႂ်ႈၵုမ်းၵမ် SSPP/SSA

 ဝၢၼ်ႈႁႆးဢွၼ်ဢဝ်လုၵ်ႈ

ၼွင်ႉမၼ်သေမိူဝ်းတီႉၺွပ်းဢဝ်လုင်းႁဵင်သႅင်ႁၢၼ်တီႈႁိူၼ်းမၼ်းသေႁၢႆလၢႆၵႂႃႇၶၢဝ်းတၢင်းသိပ်းဝၼ်းပၢႆ

ၽိူဝ်ႇထိုင်မႃးဝၼ်းတီႈ 22/1/2021 ယူႇတီႈသင်ႇၶၸဝ်ႈလႄႈၵူၼ်းဝၢၼ်ၵုင်းသႃႇ တၢင်း ၸုမ်းဝူင်းမႅတ်ႉတႃႇ

ၶဝ်ဢွၼ်ၵၼ်မိူဝ်းတွင်ႈထၢမ်လွင်ႈတၢင်းထိုင်တီႈငဝ်ႈငုၼ်းဝၢၼ်ႈႁႆးသေၽၢႆႇတၢင်းငဝ်ႈငုၼ်းဝၢၼ်ႈႁႆးၶဝ်

တွပ်ႇလၢတ်ႈဝႃႈတေထၢမ်ၵူၼ်းၽၢႆႇတႂ်ႈပၼ်ၼႆသေတႃႉလိုၼ်းသုတ်းမၼ်းတႄႉလႆႉလႆႈႁူႉဝႃႈ ၸဝ်ႈဝီႉ ၸုမ်းတပ်ႉ 999 ၶွင် SSPP/SSA ၶဝ်ယိုဝ်းၶႃႈႁႅမ်လုင်းႁဵင်သႅင်ႁၢၼ်တၢႆၼႂ်းၵႄႈၵၢင်ဝၢၼ်ႈၼွင်တုမ်လႄႈဝၢၼ်ႈၽႃၶိူဝ်းပႅတ်ႈၶိုၼ်းဝၼ်းတီႈ 7/1/2021 ၼၼ်ႉၵမ်းလဵဝ်ၼႆယဝ်ႉ။

ၽူႈၶၢၼ်ပၢၵ်ႇၸုမ်း SSPP/SSA ဝၢၼ်ႈႁႆး ၽူင်းႁၢၼ်ႇ လၢတ်ႈၵႄႈတူဝ်ဝႃႈ လႆႈလုင်းသႅင်ႁၢၼ်လႆႈလူႉ  

 ၵႂႃႇၼႆႉဢမ်ႇလႆႈတင်ႈၸႂ်ယိုဝ်းတၢႆ ၵွပ်ႈဢမ်ႇသေႃႉလေႃႇမေႃႇတေႃႇ မတေႃႇတသသေလႆႈပဵၼ်ၵႂႃႈၵူၺ်းဝႃႈၼႆ။ 

ၽူင်းႁၢၼ်ႇလၢတ်ႈထႅင်ႈဝႃႈႁဝ်းဢမ်ႇလႆႈမိူဝ်းတီႉၺွပ်းလုင်းသႅင်ႁၢၼ် မၼ်းမႃးႁႃႁဝ်းႁင်းၵူၺ်းမၼ်း

မိူဝ်ႈတိုၵ်ႉမႃးၸွမ်းတၢင်းၼၼ်ႉမၼ်းၶႂ်ႈဢွၵ်ႇၼၵ်ႈလႄႈၵူၼ်းႁဝ်းၵေႃႈၵိုတ်းၵႃးပၼ်မၼ်း ယၢမ်းၼၼ်ႉ

မၼ်းသမ်ႉလႅၼ်ပၢႆႈလႄႈၵူၼ်းႁဝ်းလႆႈယိုဝ်းဢေႃႈဝႃႈၼၼ်သေလၢတ်ႈလွင်ႈပၵ်းပိူင်ၼႂ်းမူႇၸုမ်းၶဝ်မီးဝႆႉ

ၸိူင်ႉႁိုဝ်ၼႆယူႇ။

ပၵ်းပိူင်မုၵ်ႉၸုမ်းဢၼ်ဝႃႈၼၼ်ႉ ၸႂ်ႉလႆႈတႃႇၵူၼ်းၼႂ်းမုၵ်ႉၸုမ်းၵူၺ်း ဢမ်ႇမီးသုၼ်ႇၸႂ်ႉတေႃႇၵူၼ်းၼွၵ်ႈ

ၸုမ်း ၵူၼ်းၵူႈၵေႃႉၵူႈမူႇၵူႈၸုမ်းဢၼ်ယူႇၼႂ်းၽႅၼ်ႇလိၼ်မိူင်းႁူမ်ႈတုမ်ႇၼႆႉယူႇၽၢႆႇတႂ်ႈမၢႆမီႈၸိုင်ႈမိူင်း

2008 ၼၼ်ႉၵူႈၵေႃႉၵူႈမူႇၵူႈၸုမ်းယဝ်ႉ ဢမ်ႇမီးပၵ်းပိူင်မူႇၸုမ်းလႂ်တေတႅပ်းတတ်းပၼ်တၢမ်ၶႃႈႁႅမ်

တၢႆၵူၼ်းမိူင်းလူၺ်ႈဢမ်ႇမီးတၢင်းၽိတ်းလႆႈလိူဝ်မၢႆမီႈၸိုင်ႈမိူင်း။

ပေႃးတေမႃးတူၺ်းလွင်ႈပူၼ်ႉပႅၼ်သုၼ်ႇလႆႈသုၼ်ႇပဵၼ်ၵူၼ်းၼႆၵမ်ႈပႃႈၼမ်တေမီးၼႂ်းၼႃႈတီႈၵုမ်းၵမ်ၶွင်ၸုမ်း

SSPP/SSA ၵူၼ်းမိူင်းလႄႈၸဝ်ႈသင်ႇၶႃႇထုၵ်ႈၶႃႈႁႅမ်တၢႆမီးမႃးတၢင်းၼမ်ယဝ်ႉ။

မိူဝ်ႈဢွၼ်တၢင်းသိုၵ်းမၢၼ်ႈၶဝ်ၸႂ်ႉလၢႆးတႅပ်းသီႇတႅပ်းသေၽူၺ်ႈမူၺ်ႉၵူၼ်းမိူင်းတႆးမႃးယဝ်ႉ