ဢပုမ်ႇ

 

မိူဝ်ႈၵွၼ်ႇၼၼ်ႉ

မီးသထေးႁိူၼ်းလင်ၼိုင်ႈ ယူႇသဝ်းထင်တီႈဝၢၼ်ႈၼွၵ်ႈ ႁိမ်းသၢပ်ႇဝဵင်းတီႈၼိုင်ႈ သထေးလူင်ႁိူၼ်းလင်ၼႆႉမီးဝႆႉလုၵ်ႈယိင်းသၢဝ် ႁႃႈ ၵေႃႉ  ပီံၼိုင်ႈၼၼ်ႉထိုင်မႃးၶၢဝ်းၶိင်ႇႁႅင်ႈ ဝၼ်းၼိုင်ႈၼၢႆးသထေးဢွၵ်ႇၸႂ်ၶႂ်ႈၵိၼ်သူမ်ႈလႄႈ ၸႂ်ႉႁႂ်ႈလုၵ်ႈယိင်းမၼ်းၵႂႃႇႂႁႃမၢၵ်ႇမႆႉ ၸႂ်ႉလုၵ်ႈယိင်းၵေႃႉလႂ်ၵေႃႈဢမ်ႇၵႂႃႇ ၸႂ်ႉလုၵ်ႈယိင်းၵေႃႉလဵၵ်ႉသုတ်းၵေႃႈသမ်ႉဢမ်ႇတၼ်းလႄႈၼၢႆးသထေၸင်ႇယိပ်းဢဝ်သႃႉသေဢွၵ်ႇၵႂႃႇႁႃဢဝ်ႁင်းၵူၺ်းၵေႃႉလဵဝ်ယဝ်ႉ။

ၽွင်းမိူဝ်ႈၼၢႆးသထေးဢွၵ်ႇဝၢၼ်ႈၵႂႃႈႁွတ်ႈတီႈလဝ်ႇႁႆႈႁၢမ်းၼၼ်ႉမၼ်းႁၼ်တူၼ်ႈမၢၵ်ႇၶၢမ်တၢင်းၼမ်သေလိူၵ်ႈႁႃတူၼ်ႈဢၼ်လုၵ်ႈယႂ်ႇႁၢင်ႈလီသေယဝ်ႉမၼ်းၸင်ႇႁၼ်ယူႇတူၼ်ႈၼိုင်ႈ ၵူၺ်းၵႃႈၼိူဝ်တူၼ်ႈၼၼ်ႉသမ်ႉမီးဝႆႉၶူးလႄူမ်လူင်တူဝ်ၼိုင်ႈယဝ်ႉ။

ၼၢႆးသထေးၵေႃႉဝၢႆႇယၵ်ႉတူၺ်းၵူႈတူၼ်ႈၵေႃႈဢမ်ႇမီးတူၼ်ႈလႂ်လီၵိၼ်လီငၢၼ်ႈမိူၼ်တူၼ်ႈၼႆႉလႄႈ မၼ်းၵေႃႈဢမ်ႇၸၢင်ႈႁဵတ်းႁိုဝ်ဢဝ် ၊ တေၶိုၼ်ႈဢဝ်ၵေႃႈမီးငူးယူႇဝႆႉၼိူဝ်တူၼ်ႈမၼ်း ၊ တေတွႆႇဢဝ်ၵေႃႈဢမ်ႇမီးမႆႉယၢဝ်း ၊ ၽွင်းယၢမ်းၼၼ်ႉမၼ်ႇၸင်ႇၸႂ်ႉႁႂ်ႈငူးလိူမ်လူင်ၼၼ်ႉသၼ်ႇၵိင်ႇမၢၵ်ႇၶၢမ်သေႁႂ်ႈမၢၵ်ႇၶၢမ်ႁူင်ႈလူင်းမႃးပၼ်မၼ်း ၵူၺ်းၵႃႈငူးလိူမ်လူင်ၼၼ်ႉၵေႃႈဢမ်ႇသၼ်ႇပၼ်မၼ်း။

မၼ်းၸႂ်ႉလၢႆၵမ်းၵေႃႈငူးလိူမ်ၼၼ်ႉဢမ်ႇသၼ်ႇပၼ်မၼ်း ၊ မီးဢမ်းၼိုင်ႈမၼ်ႉၸႂ်ႉႁႂ်ႈငူးလိူမ်လူင်ၼၼ်ႇသၼ်ပၼ်မၼ်းသေလၢတ်ႈဝႃႈ ပေႃးမႂ်းသၼ်ပၼ်ၵဝ် ၵဝ်တေဢဝ်လူၵ်ႈယိင်းၵဝ်ဢၢပ်ႈပၼ်မႂ်းၵေႃႉၼိုင်ႈၼႆယူႇ။

ငူးလိူမ်ၼၼ်ႉၵေႃႈပေႃႈလႆႈငိၼ်းၼၢႆးသထေးလၢတ်ႈၼင်ႇၼၼ်ၵေႃႈ မၼ်းၼႅတ်ႈသၼ်ႇၵိင်ႇမၢၵ်ႇၶၢမ်ႁႂ်ႈႁူင်ႈလူင်းမႃးပၼ်မၼ်း ၊ ၼၢႆးသထေးၼၼ်ႉၵေႃႈပေႃးငူးလိူမ်ၼၼ်ႉသၼ်ႇမၢၵ်ႇၶၢမ်ပၼ်မၼ်းယဝ်ႉမၼ်းၼႅတ်ႈၵဵပ်းဢဝ်သေ ပေႃးမၼ်းလႆႈၼမ်ယဝ်ႉ မၼ်းၵေႃႈၸႂ်ႉငူးၼၼ်ႉသၼ်ႇပၼ်မၼ်းတိၵ်းတိၵ်းသေ ၼၢႆးသထေးၼၼ်ႉၵေႃႈပေႃးဝႃႈမၼ်ပေႃးယဝ်ႉၵေႃႈလၵ်ႉပၢႆႈမိူဝ်းၵမ်းလဵဝ်ယဝ်ႉ။

ၽင်းၼၼ်ႉငူးလိူမ်ၼၼ်ႉၵေႃႈၵွပ်ႈဝႃႈၵုမ်ႇသၼ်ႇပၼ်ယူႇတိၵ်းတိၵ်းလႄႈဢမ်ႇတၼ်းတူၺ်းၼၢႆးသထေး ၽိူဝ်ႇမၼ်းၵိုတ်းသၼ်သေတူၺ်းဢမ်ႇႁၼ်ၼၢႆးသထေးယဝ်ႉ ၼၢႆးသထေးပေႃးလၵ်ႉမိူဝ်းပႅတ်ႈမၼ်းယဝ်ႉ။

ၽွင်းမိူဝ်ႈၼၢႆးသထေးလၵ်ႉပၢႆႈမိူဝ်းပႅတ်ႈငူးလိူမ်ၼၼ်ႉ မိူဝ်းမၼ်းၵႃႇထိုင်တီႈသဵၼ်ႈတၢင်းၶဝ်ႈဝၢၼ်ႈၼၼ်ႉမၼ်းၸင်ႇသင်ႇလၢတ်ႈတီႈသဵၼ်ႈတၢင်းၼၼ်ႉဝႃႈ ပေႃးႁၼ်ငူးလိူမ်လူင်မႃးထၢမ်ဝႃႈ ၸင်ႇႁၼ်ၼၢႆးသထေးမႃးတၢင်းၼႆႉၼႆၸိုင် ႁႂ်ႈတပ်ႇဝႃႈဢမ်ႇႁၼ်ၼႆၼႃႉ ၼႆယဝ်ႉ။

ၽင်းမိူဝ်ႈမၼ်းၵႂႃႇထိုင်တီႈၶူဝ်ၼၼ်ႉၵေႃႈၼၢႆးသထေးလႆႈသင်ႇဝႆႉမိူၼ်ၵၼ်ဝႃႈ ပေႃးမီးငူးလိူမ်မႃးထၢမ်ဝႃႇၸင်ႇႁၼ်ၼၢႆးသထေးမႃးတၢင်းၼႆႉၼႆ ႁႂ်ႈၶူဝ်ၼၼ်ႉတပ်ႇဝႃႈဢမ်ႇႁၼ်ၼႆယူႇ။

ၼၢႆးသထေးၼၼ်ႉမိူဝ်ႈမၼ်းမိူဝ်းထိုင်တီႈၽၵ်းတူၵိူၼ်ႇႁူဝ်ႉၶဝ်ၼၼ်ႉမၼ်းၵေႃႈသင်ႇတီႈၽၵ်းတူၵိူၼ်ႇၼၼ်ႆထႅင်ႈမိူၼ်ၵၼ်ဝႃႈ ပေႃးႁၼ်ငူးလိူမ်မႃးထၢမ်ႁႃၼၢႆးသထေးၼႆႁႂ်ႈတပ်ႈလၢတ်ႈဝႃႈဢမ်ႇႁၼ်ၼႆယူႇ။

ၽွင်းၼၼ်ငူးလိူမ်လူင်ၼၼ်ႉၵေႃႈၶႂ်ႈၸွမ်းႁွႆးၼၢႆးသထေးၼၼ်ႉမိူဝ်းၸွမ်းၵမ်းလဵဝ်ယူႇယဝ်ႉ၊ ၽွင်းမိူဝ်ႈမၼ်းၵႂႃႇထိုင်တီႈသဵၼ်ႈတၢင်းၶဝ်ႈဝၢၼ်ႈၼၼ်ႉ ငူးလိူမ်ၼၼ်ႉၸင်ႇထၢမ်သဵၼ်ႈတၢင်းၼၼ်ႉဝႃႈ ၸင်ႇႁၼ်ၼၢႆးသထေးပႆမႃးတၢင်းၼႆႉၼႆယူႇ ၊ သဵၼ်ႈတၢင်းၼၼ်ႉၵေႃႈၵွပ်ႈၼၢႆးသထေးလႆႈသင်ႇဝႆႉဝႃႈယႃႇလၢတ်ႈၼႆလႄႈ မၼ်းၵေႃႈတွပ်ႇလၢတ်ႈငူးလိူမ်ၼၼ်ႉဝႃႈ ဢမ်ႇႁၼ်ၼႆယဝ်ႉ။

ငူးလိူမ်ၼၼ်ႉၵေႃႈထၢမ်ထႅင်ႈဝႃႈ ႁၼ်ဢမ်ႇႁၼ်ႁႂ်ႈလၢတ်ႈမႃးလီလီ ပေႃးဢမ်ႇလၢတ်ႈ ၵဝ်တေသၵ်းမႂ်းၼႆသေဝဵၼ်ႈတၢင်းၼၼ်ႉၵေႃႈၵွပ်ႈၵူဝ်ငူးသၵ်းလႄႈၼႅတ်ႈလၢတ်ႈၵမ်းလဵဝ်ယူႇယဝ်ႉ။

ပႂ်ႉသိုပ်ႇဢၢၼ်ႇ။။။