သဵင်သွပ့်သႅပ့်ၼမ့်ၶူင်း

(တႅမ်ႈ - ၼုမ်ႇၸၢမ်ၶၢဝ်)

ၼႂ်းၸူဝ်ႊပၢၼ်ၶႃႈၼၢင်း လႆႈၵိူတ်ႇပဵၼ် တႆးမႃးၼႆ့ ၸိုဝ်ႈမႄႈ ‘ၼမ့်ၶူင်း’ ဢၼ်ဝႃႈ ၼၼ့် မိူဝ်ႈၵေႃႉလဵၵ့် ယၢမ်ႈလႆႈငိၼ်းမႃး တီႈ ၼႂ်း ၽဵင်းၵႂၢမ်း ၵွၺ်း။ ထိုင်မႃး ပီႊ 2010 ၼၼ့် ၸွမ်းလူၺ်ႈ ၵုင်ႇမုၼ်လိၵ်ႈလၢႆးသေ ၶႃႈလႆႈၶဝ်ႈၸွႆႈထႅမ် ၶူးပူင်သွၼ်လူင်လုင်းၸၢႆးၾႃႈ တီႈၼႂ်းပၢင် ၽိုၵ်းၽွၼ့်ၵုၼ်ပၢင်ၵုၼ်ၶူင်းယဝ့်ၼၼ့် လႆႈငိၼ်းၶူးသွၼ်လူင်ဝႃႈ တေလႆႈၵႂႃႇထွင်ႊတဵဝ်းတီႈ ၵွင်းမူးထၢတ်ႈၸႅတ်ႈႁူဝ်လိုင်းၼႆဢေႃႈ။ တႃႇတေၵႂႃႇႁွတ်ႈတီႈၼၼ်ႈၼၼ့် တေလႆႈၶီႇႁိူဝ်းသေ ၶၢမ်ႈလတ်း မႄႈၼမ့်ၶူင်းၵႂႃႇဢိူဝ်ႈၼႆ သိုပ်ႇလႆႈႁူႉငိၼ်းမႃးၼင်ႇၼႆယဝ့်။

မႄႈၼမ့်ၶူင်းဢၼ်ဝႃႈၼႆ့ မၼ်းပဵၼ်မႄႈၼမ့် ဢၼ်ၵိုၵ်း ပိုၼ်းတႆးႁဝ်းမႃး ၸဵမ်ၵွၼ်ႇသေတႃႉၵေႃႈ တွၼ်ႊတႃႇၶႃႈတႄ့ ဢမ်ႇပႆႇယၢမ်ႈႁူပ့်တိူဝ့်ႁၼ်မႅၼ်ႈသေပွၵ်ႈၶႃႈ။ ပွၵ်ႈၼႆ့သမ့် တေလႆႈ ၵႂႃႇႁၼ် သိုဝ်ႈၼႃႈတၼ်းတႃဝႃႈၼႆလႄႈ ၶိုၼ်းလိုၵ်းယဵၼ်ဢွၼ်ႇ ၶမ်ႈၼႆ့ ၵွၺ်းၵုမ်ႇပဵၼ် လွင်ႈၸႂ်တူင့်ႁိုၼ်ႇတဵၼ်ႈသေ ပဵၼ်ဢၼ် ၼွၼ်းလပ်းယၢပ်ႇၸွမ်းဝႆ့ယူႇယဝ့်။

ထိုင်မႃးၶၢဝ်းၾႃႉႁုင်ႈၼၼ့် ၸုမ်းႁဝ်းၶဝ် ပေႃးဢွၼ် ၵၼ် မီးလွင်ႈႁၢင်ႈႁႅၼ်းတူဝ်ႈတၼ်းဝႆ့ ႁၢင်းၽႂ်ႁၢင်းမၼ်းယူႇယဝ့်။ ၾႃႉပၢင်ႇမိူင်းလႅင်းၵေႃႈ ဢွၼ်ၵၼ်ၶီႇလူတ့်ဢွၵ်ႇၶၢဝ်းတၢင်း ၵႂႃႇ ၸူးမႄႈၼမ့်ၶူင်းယူႇဢေႃႈ။ မိူဝ်ႈဢၼ်သိူၵ်ႈထိုင်တီႈတႃႈႁိူဝ်းၼၼ့် ဢွၼ်ၵၼ်လူင်းလူတ့် ယူႇတီႈၼိူဝ်ၵွင်းလွႆဢွၼ်ႇႁိမ်းၾင်ႇၼမ့်ၶူင်း ၼၼ့်သေ မုင်ႈယဵမ်ႈတူၺ်း တၢင်းႁၢင်ႊလီၵႄးမႄႈၼမ့်ၶူင်း ဢၼ် ၵႂၢင်ႈယႂ်ႇလူင်လၢင်သေ လၢတ်ႈလႆဝႆ့ၼၼ့်ယူႇ။

ႁိမ်းၾင်ႇၼမ့်သွင်ၽၢႆႇၶၢင်ႈၼၼ့်ၵေႃႈ မီးဝႆ့ လူင်ႊမႆ့၊ ပႃႇထိူၼ်ႇ ၶဵဝ်သႂ်ၸိုၼ်ႈပၢင်ႇယႂ်ႇၵႂၢင်ႈလူင်သေ မွၵ်ႇမႆ့ မၢၵ်ႇမႆ့ ၵူႊလၢႆ မဵဝ်းလၢႆသႅၼ်းၵေႃႈ မီးဝႆ့ၸွမ်းၾိင်ႈတိုၼ်းပဵၼ်လႄႈ ပဵၼ်ဢၼ် ႁၢင်ႊလီ လီမုင်ႈယဵၵ့်ယဵမ်ႈယဵင်းၼႃႇတေ့။ ၸဝ်ႈပၢၼ်းသီၵေႃႉလႂ် ၵေႃႈ လႅပ်ႈတေဢမ်ႇပၢၼ်းဢွၵ်ႇမႃးလႆႈ ၾၢင်သီဢၼ်မီးတၢင်း ႁၢင်ႊလီၶိုတ်းပဵင်း ၾိင်ႈတိုၼ်းပဵၼ်ပႃႇထိူၼ်ႇလူင်ႊမႆ့ လႄႈ မႄႈ ၼမ့်ၶူင်းၼႆ့။ ၼႂ်းၵႄႈလွင်ႈသူတ်ႇသႂ်ၽိူဝ်ၶဵဝ်ၾူၺ်းယွတ်ႈမႆ့ၶဝ်ၼႆ့ သဵင်ၼမ့်လၢတ်ႈလႆ သဵင်ႁိူဝ်းၸၢၵ်ႈၵေႃႈမေႃးပၼ်းဝႆ့။ လိူဝ်သေၼႆ့ မီးထႅင်ႈသဵင်ၼူၵ့်၊ ၼူ၊ သဵင်တူဝ်သတ်းတတ်းမႅင်းၶဝ်ၵေႃႈ ႁွင့်ၶၼ် ဝႆ့ၵူႊလၢႆသဵင်လၢႆလမ်ႇလႄႈ ပဵၼ်ဢၼ်မႃးၸွႆႈၽိူမ့်ထႅမ်ပၼ်တၢင်း ႁၢင်ႊလီမႄႈၼမ့်ၶူင်း ႁႂ်ႈတိူဝ်းလိူဝ်ၵဝ်ႇယဝ့်။ တေဝႃႈ ဝၢႆႇယၵ့်မုင်ႈ တူၺ်း တီႈၸွမ်းၸိူဝ်းၾင်ႇၼမ့်၊ ၾင်ႇၼမ့်မႄႈၶူင်းၼႆ့ မၢင်ႊတီႈ တေလႆႈႁၼ်သၢႆးၶၢဝ်သၢႆးႁဵင်းဢွၼ်ႇၶဝ် ပဵၼ်ႁူတ်ႈပဵၼ်သၢႆပဵၼ်ၵွင် ဝႆ့ မၢင်ႊတီႈၵေႃႈ ၵႂၢႆးၶဝ်ဢိူၵ်ႇသၢႆးဝႆ့ပဵၼ်ၽုင်ပဵၼ်ၽုင်၊ ဢၼ်ၽႂ် ဢမ်ႇမႃးၶေ့သဵင်ႇပေ့လႆႈတၢင်းႁၢင်ႊလီမၼ်းတႄ့ ပဵၼ်ပိူင်ၾၢင် မၢၵ်ႇႁိၼ် ၸိူဝ်းမီးတီႈမႄႈၼမ့်ၶူင်းၼႆ့ယဝ့်။

မၢၵ်ႇႁိၼ်တီႈမႄႈၼမ့်ၶူင်းၼႆ့ မၢင်ႊဢၼ် မိူၼ်ၼင်ႇႁၢင်ႊ ပိၵ်ႇၼူၵ့်ၶဝ်ၵေႃႈမီး၊ မၢင်ႊၸိူဝ်းသမ့်မိူၼ်ၼင်ႇ ႁၢင်ႊၽႃဢုတ်ႇၶပ့် ဝႆ့ၵေႃႈမီး၊ မၢင်ႊဢၼ်သမ့် ယွၼ့်ပဵၼ်ႁိၼ်သွၼ့်လႄႈ မိူၼ်ၼင်ႇ ပိူၼ်ႈဢဝ်ၽႃႉဢဝ်မိတ်ႈၶဝ် ၵႂႃႇၶႅၵ်းၶၢၼ်ႇႁႂ်ႈပဵၼ်ႁူတ်းပဵၼ်ယွင်း ဝႆ့ၵေႃႈမီး၊ မီး... မီးဝႆ့ၵူႊလၢႆႁၢင်ႊလၢႆသႅၼ်းတေ့။

ၽွင်းတိုၵ့်ဢၢမ်းဢေႃး ယွင်ႈယေႃးၸူမ်ၸႂ်သိူဝ်းမူၼ်ႊ ၸွမ်း တၢင်းႁၢင်ႊလီၾိင်ႈတိုၼ်းပဵၼ်ယူႇၼၼ့် ၵိုင့်ၵၢင့်လႆႈႁၼ် မႅၼ်ႈ ႁိူဝ်းၸၢၵ်ႈလဵၵ်းလူင်လမ်းၼိူင်ႈ သွင်ၽၢၵ်ႇၶၢင်ႈမၼ်းသမ့် မီး ၼမ့်သႂ်သႂ်လႄႈမၢၵ်ႇႁိၼ်မၢၵ်ႇသၢႆးၶဝ် လေႃႈပုင်ႈလူတ်းလူင်းသဵၼ် တူၵ်းသႂ်ႇၼႂ်းမႄႈၼမ့်ၶူင်းဝႆ့။ ႁိူဝ်းၼၼ့် မၼ်းသမ့်ဢမ်ႇၶၢႆ့တီႈ၊ လႆႈ ႁၼ် ဢဝ်ၸိူၵ်ႈလဵၵ်းယၢဝ်းလူင် ၼွင်ႇမတ့်ၸၼ်ဝႆ့ႁိူဝ်း လႅင်ႇၸပ်း တူၼ်ႈမႆ့လူင် ၸိူဝ်းမီးၾင်ႇၼမ့်ၼၼ့်သေ ၼႂ်းမၼ်းသမ့်မီးပႃး သူၵ်ႇလဵၵ်းၶဝ်ၼမ်ၼမ်လၢႆလၢႆ ပဵၼ်ၶူင့်သေၸပ်းၵၼ်ဝႆ့ ၵူၼ်းယူႇ ၼႂ်းမၼ်းတႄ့ တေႃႉတႄ့ႁၼ်သွင်သၢမ်ၵေႃႉၵွၺ်းၶႃႈ... ပဵၼ်ဢၼ် လၢၵ်ႇလၢႆးလူင်လၢင်တႃႇၼႂ်းလွင်ႈမုင်ႈယဵမ်ႈႁၼ်ၶႃႈတေ့။

ၵွပ်ႈဢမ်ႇႁွၼ်ႇယၢမ်ႈႁၼ်သေပွၵ်ႈလႄႈ ၸင်ႇလႆႈထၢမ် ၶူးသွၼ်လူင် “ၼၼ့်ပဵၼ်ႁိူဝ်းသင်ၶႃႈ ၶဝ်သမ့်ႁဵတ်းသင် ၶဝ်သေး ၶမ်းၶႃႈႁႃႉ” လုင်းၸၢႆးၾႃႈၸင်ႇၶိုၼ်းတွပ်ႇမႃးဝႃႈ “ၸႂ်ႈဢိူဝ်ႈ ၶဝ်ၸိူဝ်းၼႆ့ မႃးသေးၶမ်းဢိူဝ်ႈ၊ ၼိူင်ႈဝၼ်းၼိူင်ႈဝၼ်းၼႆ့ ၶဝ်တေ လႆႈၵႂႃႇၶမ်းၼမ်ပဵၼ်မွၵ်ႈၵႃႊႁိုဝ်လူင်လၢင်၊ ၶဝ်ၸိူဝ်းၼႆ့သမ့် ၸႂ်ႉ ႁႅင်းၸၢၵ်ႈၵွၺ်းလူး ၵူၼ်းၶဝ်တႄ့ တေႃႉတႄ့လူဝ်ႇပႂ်ႉတူၺ်းပၼ် ၸၢၵ်ႈမၼ်းၵွၺ်း၊ ဢၢႆႈၸိူဝ်းၼႆ့ ၶဝ်မႃးပဵၼ်ဢၢၼ်ႇပၢၵ်ႇလမ်းမၼ်း ဢိူဝ်ႈ ႁိူဝ်းၶဝ်ၼႆ့ သူထၢင်ႇဝႃႈ မီးသွင်သၢမ်လမ်းၵွၺ်းႁႃႉ” တွပ်ႇ ၶႆႊမႃးၼင်ႇၼႆသေ ဢွၼ်ၵၼ်ယဵၼ်ဝႆ့ယူႇၼၼ့် ၶႃႈၸင်ႇၶိုၼ်း သိုပ်ႇထၢမ်ထႅင်ႈ “ႁိူဝ်းၸိူဝ်းၼႆ့ ၶဝ်သမ့်လုၵ့်တီႈလႂ်တၢင်းလႂ်မႃးၶႃႈ လႃႇ ၸဝ်ႈမၼ်းလူး ပဵၼ်ၽႂ်ၶႃႈ” လုင်းၸၢႆးၾႃႈ ၶိုၼ်းသိုပ်ႇတွပ်ႇ ၵေႈမႃးပၼ် “ႁိူဝ်းၸိူဝ်းၼႆ့ ပဵၼ်ႁိူဝ်းၶႄႇၶဝ်လွၼ့်လွၼ့်ယဝ့်၊ ၶဝ်မႃးတၢင်းၼမ့် ၶဝ်လႆလွင်ႊၶတ်းလတ်းမႃးၸွမ်းၼမ့်ၶူင်းၼႆ့ ဢိူဝ်ႈ” ၶိုၼ်းသိုပ်ႇထၢမ်ထႅင်ႈ “ႁဵတ်းသင်တႆးႁဝ်းသမ့် ဢမ်ႇဢွၼ် ၵၼ်သေးၶႃႈလႃႇ ပဵၼ်သင် သမ့်ပွႆႇပၼ်ပိူၼ်ႈမႃးသေးဢဝ်” တွပ်ႇ ပႃးတင်းသဵင်တိုၼ်ႇသေ “ဢူး! ယႃႇဝႃႈတႃႇသေးဢဝ်ၼင်ႇၶဝ် လႃႈ တေႃႈၼင်ႇႁိူဝ်းမဵဝ်းၶဝ်ၵွၺ်းၵေႃႈ တႆးႁဝ်းယင်းဢမ်ႇမေႃ ႁဵတ်းပဵၼ်ႁႃမႃးလႆႈ မႂ်းတေႁဵတ်းႁိုဝ်ႁႂ်ႈတႆးမႃးသေးဢဝ် ၼႂ်းၼမ့် လိုၵ့်လူင်ၼႆ့ ႁိူဝ်ႇတူၺ်းတၢင်းပုၼ့်ၼေႈ သူၶႂ်ႈႁၼ်လၢႆးတႆးသေး ၶမ်း” ဝႃႈၼင်ႇၼႆသေ ၸီ့ၼေၵႂႃႇတၢင်းၾင်ႇၼမ့်ၼၼ့်ယူႇယဝ့်။

ႁဝ်းၶဝ်ၵေႃႈ ဢွၼ်ၵၼ်ဝၢႆႇမုင်ႈတူၺ်း တၢင်းၶူးသွၼ် လူင်ၸီ့ၼေၼၼ့် လႆႈႁၼ်လၢႆးတႆးႁဝ်းသေးၶမ်း တီႈၸွမ်းၾင်ႇ ၼမ့်ၶူင်း၊ ဢဝ်ဢၢင်ႇၶၢၵ်ႈဢွၼ်ႇ(မျေႃး)သေ ပႃးတင်းၸေႃႉလူဝ်ႈ (ၵေႃႇပျႃး) ဢၢင်ႇသေးၶမ်းၸိူဝ်းၼႆ့ ၸေႃႉသူၵ်ႇဢဝ် ၵမ်းၸေႃႉ ၸေႃႉ(ၵမ်းၵူၵ်ႇၵူၵ်ႇ)ယူႇ။ လႆႈႁၼ်ပိူင်ပဵၼ်ၼင်ႇၼၼ်သေ ယိၼ်း သေလၢႆၶမ်းတီႈၼႂ်းမႄႈၼမ့်ၶူင်းတေ့တေ့။ သေးၶမ်းတေႃႇသေး ၶမ်းၼင်ႇၵၼ် တႆးႁဝ်းသမ့်သေးလႆႈ ၼိူင်ႈဝၼ်း သွင်သၢမ်ၶႅၵ်း ၵွၺ်း၊ ၶႄႇၶဝ်တႄ့ ၼိူင်ႈဝၼ်းၼိူင်ႈဝၼ်းၼႆ့ တႃႇႁိူဝ်းၼိူင်ႈလမ်း ၵွၺ်း လႆႈပဵၼ်ဢၢၼ်ႇႁူဝ်ပၢၵ်ႇၶႅၵ်းမၼ်း ဢိူဝ်ႈ။

ယိင်ႊဝူၼ့်ယိင်ႊလီၶေႃးၶူမ် တိူဝ့်ၸႂ်ၼေႃ... တူၺ်းလူး ယၢၼ်ၵၼ်လၢႆဝႃးၵွၺ်း ႁိူဝ်းၶဝ်ပေႃးၵႂႃႇမီးဝႆ့ လမ်းသိုပ်ႇလမ်း လႄႈ တူၺ်းပေႃးၶပ့်ယႆၵၼ်ဝႆ့ယူႇယဝ့်။ လႆႈႁၼ်ၼင်ႇၼႆသေ လွမ် ဝူၼ့်ဝႃႈ ဢေႃး ပေႃးပဵၼ်ၸိူင့်ၼႆတႄ့ ပေႃးမၼ်းႁိုင်မႃး ၼမ့်ၶူင်း ၼႆ့ မၼ်းဢမ်ႇၸႂ်ႈၶၢဝ်းၾူၼ် ၼမ့်ဢမ်ႇၼမ်သေတႃႉ ၼမ့်ယင်း ၸၢင်ႊၼွင်းလူၼ့်ၾင်ႇၵွၼ်ႇဢိူဝ်ႈၼႆ့၊ ယွၼ့်သင်လႃႇၼႆၸိုင် ၵွပ်ႈ ပိူဝ်ႈသႃႇၵွင်မၢၵ်ႇႁိၼ်မၢၵ်ႇသၢႆးၸိူဝ်းၼႆ့ တူၵ်းၵွင်သႂ်ႇၼိူဝ်မႄႈၼမ့် ၶူင်း ပေႃးသူတ်ႇပူၼ့်ၼႃႈၼမ့်ဝႆ့လႄႈ ပေႃးမၼ်းၵူၼ်ႇမႃး ၸၢင်ႊ ႁဵတ်းႁႂ်ႈၼမ့်ၸိူဝ်းၼႆ့ ယိုင်ႈၶိုၼ်ႈယိုင်ႈၶိုၼ်ႈသေ လူၼ့်ၾင်ႇၵႂႃႇၼႆ ယဝ့်။ တူဝ်ယၢင်ႇမၼ်း ဝဵင်းၽႃၵၢၼ့်ပေႃးၼႄၵႂႃႇယဝ့်လူး လွင်ႈ ၼမ့်ယိုင်ႈၶိုၼ်ႈသေ လူၵ်ႈလႆလူၼ့်လိူဝ်ၼႆ့။

ဝူၼ့်ၶႆႊၸွမ်းပိူင်ပဵၼ်မႄႈၼမ့်ၶူင်း ဢၼ်ပဵၼ်ယူႇၸင်ႇၼႆ့ ၼႆ့သေ လႆႈႁၼ်ဝႃႈ လွင်ႈတၢင်းႁၢင်ႊလီၾိင်ႈတိုၼ်းပဵၼ်မႄႈၼမ့် ၶူင်းၼႆ့ ႁၢႆလၢႆႊၵႂႃႇၸွမ်းၶမ်းဢၼ်ပႃးၵႂႃႇၼႂ်းမိုဝ်းပိူၼ်ႈၼၼ့်လႄႈ ၸူမ်ႁၢႆၶဝ်ႈၵႂႃႇၸွမ်းၼႂ်းၵွင်သႃႇမၢၵ်ႇႁိၼ်လူင်ၸိူဝ်းၼၼ့်ယူႇယဝ့်။ ၽွင်းၼၼ့် ... သဵင်ၼူၵ့်သဵင်ၼူ သဵင်မႅင်းသဵင်ၸၵ်းၸိူဝ်းၼၼ့် ၵေႃႈ မိူၼ်ၼင်ႇဝႃႈ ယိုင်ႊၶႅၼ်းတိူဝ်းထႅင်ႈ တၢင်းတိူဝ့်ၸႂ် တၢင်း ၼႅင်ၸႂ် တၢင်းၽၢၼ်ၸႂ် ဢၼ်လႆႈၶုၺ့်ႁၼ်ဝႆ့ၼႆ့ယူႇ။

ၽွင်းတိုၵ့်ငဝ်မိုင်ယူႇၼၼ့် ၶႃႈလႆႈငိၼ်းသဵင်သွပ့်သႅပ့်တီႈ မႄႈၼမ့်ၶူင်းဢွၵ်ႇမႃးဝႃႈ “တႆးတင်းလၢႆဢိူၺ်း ၸွႆႈၵဝ်ၽွင်ႈလူး ဢီးလူၵဝ်ၽွင်ႈလူး၊ ၵဝ်တေဢမ်ႇမီးသင်ယဝ့် လိူဝ်သေၵွင်သႃႇ မၢၵ်ႇႁိၼ်မၢၵ်ႇသၢႆး ဢၼ်တဵၵ်းတဵင်ၶီႇၼိူဝ်ၵဝ်သေ ၽုတ်းပႅၼ် သူတ်ႇလိူဝ်ဝႆ့ယူႇၼႆ့ ၵဝ်တေဢမ်ႇမီးသင်ယဝ့် ၵဝ်တေဢမ်ႇၵိုတ်း သင်ယဝ့်” ၼႆဝႃႈ။

ယၢမ်းလဵဝ် ၵဝ်ယူႇဢွင်ႈတီႈဢၼ်ၵႆယၢၼ်မႂ်းသေတႃႉ လွင်ႈၸမ်ၸႂ် ဢၼ်မႂ်းယၢမ်ႈၽင်ႇၽၢပ်ႈၽူင့်ယမ်းသႂ်ႇၵဝ်ၼၼ့်တႄ့ တိုၵ့်မီးယူႇ။ ယၢမ်းလဵဝ် ၵဝ်ယူႇတီႈဢၼ်ဢဝ်တႃတူၺ်းဢမ်ႇႁၼ် မႂ်းလႆႈသေတႃႉ လွင်ႈဝူၼ့်ၶွပ်ႈထိုင် ဢၼ်မႂ်းယၢမ်ႈလႆႈၵိုၵ်းပိုၼ်း တႆးမႃးၼၼ့်တႄ့ တိုၵ့်မီးယူႇဢိူဝ်ႈ။ ယၢမ်းလဵဝ် ၵဝ်ယူႇဢွင်ႈတီႈ ဢၼ်ဢမ်ႇလႆႈငိၼ်းသဵင်မႂ်းလၢတ်ႈလႆသေတႃႉ သဵင်ဢၼ်မႂ်းသွပ့် သႅပ့်ၵဝ်ၼၼ့်တႄ့ တိုၵ့်လႆႈငိၼ်းတွတ်ႇယွၼ်ႈထိုင်ၼႂ်းလွၼ့်ၵႅၼ် မၢၵ်ႇလမ်းႁူဝ်ၸႂ်ၵဝ်ယူႇတေႃႇႁၢၼ့်ၸင်ႇၼႆ့ဢိူဝ်ႈ ၼမ့်ၶူင်းဢိူၺ်း။

ပၢင်ၽိုၵ်းၽွၼ့်ပွၵ်ႈၵမ်းၼိူင်ႈ ၸေႊဝဵင်းၼမ့်ၸၢင်(29/3/2013)

Facebook SDK (Plugin)

သဵင်သွပ့်သႅပ့်ၼမ့်ၶူင်း

jaidaikm.blogspot.com

แสดงความคิดเห็น

Twilight Over 🇲🇲 Burma Movies

ပၵ်းယဵမ်ႈဝၼ်း

ၶၼ်ငိုၼ်း

ၶၼ်လႅၵ်ႈငိုၼ်း

Social Plugin

ၶေႃႈမုလ်းဢၼ်တၢင်ႇမႂ်ႇ

မိူင်းႁူမ်ႈတုမ်းမိူင်းမၢၼ်ႈ

ၸိုင်ႈမိူင်းဢၼ်မီးၼႂ်းၵုၼ်ဢမေႇရီးၵႃးၸၢၼ်း႑႒ မိူင်း

ၽၵ်းလူမ်းပုမ်း

ၾိင်ႈထုင်းတႆး ႑႒ လိူၼ်

ႁူဝ်ၶေႃႈတၢင်းမူတ်း

Author Profile

Text Widget

မိူင်းႁူမ်ႈတုမ်းမိူင်းမၢၼ်ႈ

သွၵ်ႈႁႃပလွၵ်ႉၼႆႉ

ၶေႃႈမုလ်းတၢင်းမူတ်း

Technology

Pages

Theme Support

JSON Variables

Made with Love by

Product Services

Footer Copyright

buttons=(Accept !) days=(20)

Contact form