ၾိင်ႈတႆးသမ်းလၢႆး သမ်းလၢႆး သမ်းဢၢင်း ၼမ်ႉမိုၵ်ႉ ၵူၼ်းတႆးမိူဝ်ႈၵွၼ်ႇ

 

သမ်းလၢႆး သမ်းဢၢင်း ၼမ်ႉမိုၵ်ႉ.

ၵူၼ်းမိူဝ်ႈၵွၼ်ႇၶဝ်သမ်းလၢႆး ႁၢင်ႈဢၢင်းၸွမ်းတူဝ်ၶိင်း တီႈႁူဝ် ၸွမ်းၶႅၼ် ၸွမ်းၶႃ သမ်းပိူဝ်ႈတႃႇႁေႉၽိူဝ်ႉၽီ ႁေႉဢတၢတ်ႈဢမွင်း ၸွမ်းၼင်ႇတၢင်းယုမ်ႇယမ်ၽႂ်မၼ်းယူႇ

မၢင်ၵေႃႉၵေႃႈသမ်းဢၢင်း သမ်းၵႃႇထႃႇ သေထိုင်တီႈၵွင်ႈယိုဝ်းဢမ်ႇဢွၵ်ႇ ဢမ်ႇတိူဝ်ႉ မိတ်ႈလႅဝ်းၽၼ်းတႅင်းဢမ်ႇၶဝ်ႈၵေႃႈမီးမႃးၼမ်ယူႇ

ၵၢပ်ႈပၢၼ်မိူဝ်ႈၵဝ်ႇၵွၼ်ႇ ၵူၼ်းၵေႃႈဢမ်ႇၼမ် လင်ႈၶိုၼ်ႈယႂ်ႈၵေႃႈဢမ်ႇမိူၼ်ၼင်ႇၵၢပ်ႈပၢၼ်ယၢမ်းလဵဝ် လွင်ႈယူႇသၢင်ႈၵိၼ်သဝ်းၵူၼ်းဝၢၼ်ႈၼွၵ်ႈၵေႃႈႁၢင်ႇၵႆၵၼ် လွင်ႈၵႂႃႇမႃးၵေႃႈလႆႈပႆဢဝ် ၵပ်ႈၼၼ်လႄႈတႃႇလွတ်ႈၽေးၸွမ်းတႃႈၸွမ်းတၢင်းၼၼ်ႉၵူၼ်းမိူဝ်ႈၵွၼ်ႇၶဝ်ၸိုင်သူင်ၵၼ်သမ်းလဵၼ်းသမ်းလၢႆးပေႃးတဵမ်တၢင်းတူဝ်ယူႇယဝ်ႉ

ၵွပ်ႈၵူၼ်းမိူဝ်ႈၵွၼ်ႇၶဝ်ယုမ်ႇယမ်ဝႃႈလွင်ႈသမ်းလၢႆး သမ်းဢၢင်း သမ်းၵႃႇထႃႇ ဝႆႉၸွမ်းတူဝ်ၼႆႉႁေႉၵင်ႈလႆႈလွင်ႈၽိူဝ်ႉၽီမိၵ်ႉသႃႇ ႁေႉၵင်ႈလႆႈလင်ႈၵူၼ်းႁၢႆႉၵူၼ်းမိူၵ်ႈ ၵူၼ်းၸူၼ်ၼႆယူႇ

လုၵ်ႈလၢၼ်တႆး ၵၢပ်ႈပၢၼ်မ်ႂႇ ၽိူဝ်ႇတႃႉသူတေၵႂႃႇသမ်းလၢႆးတၢင်းႁၢင်ႈလီၸဵပ်းတူဝ်လၢႆ"ၼၼ်ႉ ၵၢပ်ႈပၢၼ်မိူင်းဢမ်ႇသုၵ်းဢမ်ႇလိပ်း ၵၢပ်ႈဝၢၼ်ႈမိူင်းလူႉၸိူင်ႉၼႆၼႆႉၽိူဝ်ႇတႃႉသူမႃးလေႉၵၼ်သမ်းလၢႆး မိူၼ်ၵူၼ်းၵတ်ႉမိူဝ်ႈၵူะပွၵ်ႈ ပၢၼ်ပူႇပၢၼ်မွၼ်ႇႁဝ်းၼၼ်ႉမိူဝ်ႈပူၼ်ႉမႃးႁႃႈပၢၵ်ႇပီะမိူဝ်ႈၼၼ်ႉ

ပေႃးပဵၼ်ၸၢႆးတႆး လေႉၵၼ် သမ်းလၢႆးၵူะၵေႃႉ ၶႅၼ်လမ် ၶႃလမ် မူသီႇၼႃႈ ၽြႃးတူမ်းတႃ ဢၢင်း(3)တႃ ဢၢင်း(5)တႃ တူဝ်(ဝ)(9)တူဝ်မေႃႁၢႆတူဝ် ထႅဝ်လိၵ်ႈ(99)ထႅဝ် ထႅဝ်လိၵ်ႈ(120)ထႅဝ် တူဝ်မလူမ်းမိၼ် တူဝ်ၵႃလူၼ်ႇ တူဝ်မႅဝ်းလမ် မီးတင်းၼမ်လၢႆ

တီႈပွင်ႇသမ်းသုၺ်း သမ်းဢၢင်းၼႆႉ မီး(2000)မဵဝ်းၼႆၼၼ်ႉ ၼ်ႂးပပ်ႉၵျၢမ်းမိူဝ်ႈၵူႈပွၵ်ႈမီးတႅမ်ႈမၢႆဝႆႉယူႇ တေဢဝ်မႃးတႅမ်ႈတၢင်ႇပၼ်ၼိူင်ႈၵမ်း (3)မၢင်ၶႃႈ.....

ၵူၼ်းၵၢပ်ႈပၢၼ်မိူဝ်ႈၵွၼ်ႇ ပၢၼ်ပူႇ ပၢၼ်မွၼ်ႇ မိူဝ်ႈပူၼ်ႉမႃးလၢႆပၢၵ်ႇပီะ ပေႃးတၢင်ႇၸၢဝ်းၶိူဝ်းမုင်ะႁၼ်ၸၢႆးတႆး သမ်းလၢႆးၼမ်ႉမိုၵ်ႉလမ် သမ်းသုၺ်း မီးထႅဝ်လိၵ်ႈပၢၼ်ၵဝ်ႇ လိၵ်ႈပႃႇလီႉ လိၵ်ႈဢၢင်းႁႃႈလွၵ်း ဢၢင်းသၢမ်တႃ သူရသတီႇ တိုၼ်းႁူႉဝႃႈပဵၼ်ၵူၼ်းၶိူဝ်းတႆးၶႃႈ.....

ၵၢပ်ႈပၢၼ်ပူႇ ပၢၼ်မွၼ်ႇ မီးပၺ်ႇၺႃႇၺၢၼ်ႇ ၼွၵ်ႈတူဝ် ၼ်ႂးတူဝ် ပိူၼ်ႈၵူဝ်ႁေ မီးဢူမုၼ် ၵတ်ႉလၢႆးမိုဝ်း လၢႆးၶွၼ်ႉ လၢႆးမႆႉ လၢႆးမိတ်ႈ လၢႆးလၢပ်ႇ လၢႆးလႅဝ်း ၵတ်ႉၶႅၼ်ႇ လူင်ႉလႅၼ်ႇ ၵတ်ႉၼမ်ႉ ၵတ်ႉၾႆး ၽၼ်းဢမ်ႇၶဝ်ႈ ယိုဝ်းဢမ်ႇပဵၼ်ၾႆး ၵျွၵ်းၶၢမ်ႈပူၼ်ႉဝႅၼ်သုင်တေႉၶႃႈ.....

ပူႇသြႃႇသမ်းလၢႆးမိူဝ်ႈၵွၼ်ႇ မိူင်းတႆးပတ်းပိုၼ်ႉၸိုဝ်ႈသဵင်လင် ပူႇသြႃႇမိူင်းလီ ပူႇသြႃႇလႃႈသဵဝ်ႈ ပူႇသြႃႇတၢင်ႉယၢၼ်း ပူႇသြႃႇၵုၼ်လူင်ၵုၼ်ၵၢင်ၼမ်ႉ ပူႇသြႃႇမိူင်းမၢဝ်း ပူႇသြႃႇယူၼ်းၵဵင်းတုင် ၽေႃႇၼွၵ်းယႃႈယႃၼမ်ႉမိုၵ်ႉ ၵႃႇထႃႇ ၵတ်ႉယမ် ပၢႆၵမ်တႅမ်ႈဢၢင်း တမ်းဝၢင်းၼမ်ႉမိုၵ်ႉ တွၵ်ႇလဵၵ်း တွၵ်ႇတွင်း တွၵ်ႇၽႅၼ်ႇငိုၼ်း တႅမ်ႈၼိူဝ်ၸေะသႃ လူင်ႉလႅၼ်ႇလၢႆ"ပၢႆး ဝၢႆးသေပူႇသြႃႇၵတ်ႉၸိူဝ်းၼႆႉ မူတ်းဢႃႈယူႉသဵင်ႈသၢၵ်ႈၵႂႃႇယဝ်ႉ ၵူၼ်းတီးဢၼ်လႆႈၵႂႃႇႁပ်ႉၶူးတီးပူႇသြႃႇၵတ်ႉၸိူဝ်းၼၼ်ႉမီးဢေႇတေႉ" ၵူၼ်းမိူဝ်ႈလဵဝ်ဢမ်ႇပေႃးလေႉၵၼ်သမ်းယဝ်ႉၶႃႈ.....

လွင်ႈသမ်းလၢႆး ၼမ်ႉမိုၵ်ႉၼႆႉ ၸိူဝ်းပႆႇႁူႉၵေႃႈ

ႁ်ႂႈလႆႈႁပ်ႉႁဵၼ်းႁူႉႁ်ႂႈပဵၼ်ပႁူႉသုၵ်ႉတႃႉၸွမ်းၵၼ်

ၸိူဝ်းႁူႉယဝ်ႉၵေႃႈမီးတင်းၼမ်တင်းလၢႆ

ၸိူဝ်းလူင်ႉလႅၼ်ႇယဝ်ႉၵေႃႈမူၼ်ႉမေး

ပၼ်တၢင်းႁၼ်ထိုင်မႃးလႆႈၶႃႈ.....

ၸိူဝ်းပႃးဝႃႇသၼႃႇသူၼ်ၸ်ႂၶ်ႂႈသမ်းၵေႃႈ

ၵႂႃႇသွၵ်ႈႁႃ ၵူၼ်းထဝ်ႈငဝ်ႈၵႄႇ ဢၼ်ပဵၼ်ပၢၼ်ပူႇ ပၢၼ်လုင်း ပၢၼ်ဢူႈ ၸိူဝ်းသမ်းလၢႆးၶႅၼ်လမ်ၶႃလမ်

ၸိူဝ်းၼၼ်ႉ ထၢမ်ထိုင်ငဝ်ႈႁၢၵ်ႈသၢၵ်ႈသေႇတီႈၸိူဝ်းၶဝ်ယၢမ်ႈသမ်းမႃးယဝ်ႉၵႂႃႇသမ်းၶႃႈ.....

ၸိူဝ်းဢမ်ႇပႃးဝႃႇသၼႃႇၵေႃႈဢမ်ႇလူဝ်ႇသမ်းၶႃႈ.....