ၽၵ်းၶီႈဝူဝ်း / ใบตั้งโอ / 茼蒿(菜) / English Suey greens
ၽၵ်းၶီႈဝူဝ်းၼႆႉ ပဵၼ်ၽၵ်းတီႈဢၼ်ၽုၵ်ႇၵိၼ်ငၢႆႈလႄႈ ပဵၼ်ၽၵ်းတီႈဢၼ်မီးဢႃယူႉထိုင် (1 - 3 ) လိူၼ်၊ ဝဵၵ်ႉၼင်လိၼ်ႁဵတ်းတိူၵ်ႇသေ ဢဝ်ၽၼ်းဝၢၼ်ႇ (1) ဝူင်ႈ၊ ၽၼ်းတႅၵ်ႇဢွၵ်ႇပဵၼ်မေႈ၊
(2) ဝူင်ႈ ယၢဝ်းထိုင် သွင်သၢမ်ႁၵ်းမိုဝ်း။
(3)ဝူင်ႈ ယၢဝ်း (1)ၶိုပ်ႈ ၽၢၵ်ႇလိူၼ်ပၢႆၽၢၵ်ႇ တေဢွၵ်ႇတုမ်ႇမွၵ်ႇၵီႈ မီးသီၶၢဝ် သီလိူင် သီလႅင် သီၵမ်ႇ ပေႃးမွၵ်ႈသွင်လိူၼ် ပဵၼ်ၽၼ်းၵႄႇ တႅပ်းဢဝ်တၢၵ်ႇႁႅင်ႈဝႆႉ တႃႇၽုၵ်ႇမ်ႂႇလႆႈထႅင်ႈၶႃႈ။
ၽၵ်းၶီႈဝူဝ်း ၵိၼ်ပဵၼ်ဢႁႃႇရ မီးၽွၼ်းလီတေႃႇပၢႆးယူႇလီ ၶဝ်ႈတၢင်းတိုဝ်းႁဵတ်းယႃႈယႃ ပိတ်းဢဝ်ႁဵတ်းၽၵ်း ၵႅင်၊ ၵူဝ်ႈ၊ ၶူဝ်ႈ၊ သႃႈ၊ မူၵ်း၊ ၵပ်းၼမ်ႉၽိတ်ႉ၊ ႁုင်တူမ်ႈ ၵႅင်လေႃးၽၵ်းတၢင်ႇၸိူဝ်းၵေႃႈလႆႈၶႃႈ ။
ၽွၼ်းလီၽၵ်းၶီႈဝူဝ်း
- ပေႃးၵိၼ် တေႁဵတ်းႁ်ႂႈၼ်ႂးႁူင်းၶဝ်ႈယွႆႈငၢႆႈထႆႇငၢႆႈ။
- တေႁေႉၵင်ႈပၼ် တၢင်းပဵၼ် ၵူၼ်ႉ ၶႆႈ ၼၢဝ် ။
- တေႁေႉၵင်ႈပၼ် တၢင်းပဵၼ် ဢၼ်တိတ်းၸပ်းၵၼ်။
- တေႁေႉၵင်ႈပၼ် တၢင်းပဵၼ်ဢၼ်ၵဵဝ်ႇၵပ်းႁူဝ်ၸ်ႂ။
- တေႁေႉၵင်ႈပၼ် ရေႃးၵႃႇ လိူတ်ႈၶိုၼ်ႈ။
- တေႁေႉၵင်ႈပၼ် တၢင်းပဵၼ်ၵႅၼ်ႇသႃႇ။
- တေႁေႉၵင်ႈပၼ် ၵၢၼ်ထဝ်ႈၵႄႇၸိူဝ်းၼႆႉၶႃႈ။
လၢႆးၵိၼ်ၽၵ်းၶီႈဝူဝ်းမီးလၢႆမဵဝ်း
- ၽၵ်းၶီႈဝူဝ်းၵႅင်
- ၽၵ်းၶီႈဝူဝ်းၶူဝ်ႈ
- ၽၵ်းၶီႈဝူဝ်းၵူဝ်ႈ
- ၽၵ်းၶီႈဝူဝ်းၵပ်းၼမ်ႉၽိတ်ႉၽူး
Baht Exchange Rate
