ဝၢၼ်ႁၢင်ငိူၵ်ႈ

ဝၢၼ်ႁၢင်ငိူၵ်ႈ

ဝၢၼ်ႁၢင်ငိူၵ်ႈ ၽၢင်ႁၢင်ႈမၼ်းမိူၼ်ႁၢင်ငိူၵ်ႈလႄႈၵႂၢမ်းတႆးႁဝ်းတႄႉႁွင်ႉၸွမ်းၼင်ပိူင်ႁၢင်ႈၽၢင်မၼ်းၼၼ်ႉယဝ်ႉ

ဝၢၼ်ႁၢင်ငိူၵ်ႈၼႆႉ ပိူၵ်ႇတၢင်းၼွၵ်ႈမၼ်းတႄႉပဵၼ်သီၶဵဝ် တၢင်းၼႂ်းမၼ်းတႄႉပဵၼ်ဝုၼ်ႉသႂ်သႂ်ဝႆႉယဝ်ႉ

ဝၢၼ်ႁၢင်ငိူၵ်ႈၼႆႉမီးၽၼ်လီတွၼ်ႈတႃႇပၢႆးယူႇလီတူဝ်ၶိင်းၵူၼ်းႁဝ်းထႅင်ႈမဵဝ်းၼိုင်ႈယဝ်ႉ

 ၽွၼ်းလီဝၢၼ်ႁၢင်ငိူၵ်ႈ

ၵူၼ်းၸိူဝ်းမီးပၼ်ႁႃ ၼႂ်းလမ်းသႆႈ ၼႂ်းႁူင်းၶဝ်ႈ ၼႆ သင်ဝႃၵိၼ်ပၼ်ၼမ်ႉဝၢၼ်ႁၢင်ငိူၵ်ႈၼႆ တေၸၢင်ႈႁဵတ်းႁႂ်ႈၵၢၼ်ယွႆႈၼႂ်းႁူင်းၶဝ်ႈႁဵတ်းၵၢၼ်လႆႈလီ

ၵူၼ်းၸိူဝ်းမီးတၢင်းပဵၼ်ၼႂ်းလမ်းသႆႈ ပဵၼ်တွင်ႉၽုၵ်ႇ တွင်ႉဢိုတ်ႇဝၢၼ်ႁၢင်ငိူၵ်ႈၼႆႉၸွႆႈႁႂ်ႈၵၢၼ်ထႆႇၽၢႆႈလူင်လႆႈလီမႃးၼႆယဝ်ႉ

ၵူၼ်းၸိူဝ်းပဵၼ်တၢင်းပဵၼ် ဢိူဝ်ႇသူမ်ႈ ဢိူဝ်ႇမဵၼ် သေယိုင်ႈဝႆႉၼႂ်းလမ်းၶေႃး သႅပ်ႇႁွၼ်ႉၼႂ်းဢူၵ်း ဢၼ်ပဵၼ်မႃးၸမ်းလူၺ်ႈ ၼမ်ႉၵလူတ်ႇ ၼႂ်းႁူင်းၶဝ်ႈလႆၶိုၼ်ႈယိုင်ႈဝႆႉၼႂ်းလမ်းသႆႈႁဵတ်းႁႂ်ႈဢူၵ်းၸဵပ်းၼၼ်ႉ ဝၢၼ်ႁၢင်ငိူၵ်ႈၼႆႉၸွႆႈႁႂ်ႈၼမ်ႉၵလူတ်ႇၼၼ်ႉလူတ်းယွမ်းၼႆယဝ်ႉ ၵွပ်ႈၼၼ်လႄႈၸၢမ်းႁၢဢဝ်ဝၢၼ်ႁၢင်ငိူၵ်ႈၼႆႉၵိၼ်တၢင်ယႃၽွင်ၵေႃႈလႆႈ။

လိူဝ်သေၼႆႉယဝ်ႉဝၢၼ်ႁၢင်ငိူၵ်ႈၼႆႉလၢင်ႉၽိတ်ႉၵွင်ႉဢၼ်ႁဝ်းၵိၼ်တၢင်းၵိၼ်ဢၼ်ဢမ်ႇမူတ်းသႂ်ၸိူဝ်းၼၼ်ႉလႆႈ ၊ တူဝ်ဝုၼ်ႉသႂ်ၼႂ်းဝၢၼ်ႁၢင်ငိူၵ်ႈၼၼ်ႉ ပဵၼ်တူဝ်ဢၼ်လၢင်ႉပဵတ်ႈၽိတ်ႉၵွင်ႉဢၼ်တူၵ်းၶမ်ၵိုတ်းဝႆႉၼႂ်းလမ်းသႂ်ႈလႆႈလီၼႆယဝ်ႉ။

ၵူၼ်းၸိူဝ်းမီးတၢင်းပဵၼ်ယဵဝ်ႈဝၢၼ်ၶဝ် ဝၢၼ်ႁၢင်ငိူၵ်ႈၼႆႉပဵၼ်ယႃဢၼ်တေလူတ်းယွမ်းပၼ်ဝၢၼ် (ၼမ်ႉၻၢၼ်) ၼႂ်းလိူတ်ႈ ၊ ၼႂ်းဝၢၼ်ႁၢင်ငိူၵ်ႈၼၼ်ႉမီးထၢတ်ႈလၢႆမဵဝ်းမိူၼ်ၼင်ႇChromium, Magnesium, Zinc and Manganese ထၢတ်ႈၸိူဝ်းၼႆႉၸွႆႈၵုမ်းထိင်းပၼ် ဢိၼ်ႊသျူးလိၼ်ႊၼႂ်းလိူတ်ႈလႆႈလီ။

ၵူၼ်းၸိူဝ်းၵႆႉပဵၼ်တၢင်းပဵၼ်ႁိူၵ်ႈဢမ်ႇၵႅၼ်ႇၶႅင် ၵႆႉပဵၼ်ႁိူၵ်ႇလွၵ်ႈ ႁိူၵ်ႇၸဵပ်း ႁိူၵ်ႇၵႂ်ႈ ႁိူၵ်ႇပွင်း မီးလိူတ်ႈဢွၵ်ႇၸွမ်းႁိူၵ်ႇၼႆၸိုင် ၼမ်ႉဝၢၼ်ႁၢင်ငိူၵ်ႈ တေၸွႆႈႁေႉၵင်ႈပၼ်ၸိူဝ်ႉ Bacteria ၼႂ်းသွင်ႉပၢၵ်ႇ(ၼႂ်းသူပ်း)လႆႈ။

ဝၢၼ်ႁၢင်ငိူၵ်ႈၼႆႉၸၢင်ႈယူတ်းယႃပၼ် တၢင်းပဵၼ်ၸဵပ်းၼႂ်းတူဝ် ႁွႆးၵမ်ႇမၢၼ်ႉၸွမ်းၽိဝ်ၼင် ၊ ၵွပ်ႈပိူဝ်ႈဝႃႈၼႂ်းဝၢၼ်ႁၢင်ငိူၵ်ႈၼႆႉ မီးထၢတ်ႈ Vitamin လၢႆၸိူဝ်ႉလၢႆပိူင်လႄႈမီးပႃးထၢတ်ႈ Polysaccharide ဢၼ်မီးငူၼ်ႉသၢၼ်ဢၼ်ၸွႆႈၽိူမ်ႉထႅမ်ပၼ်ႁႅင်းၵမ်ႉတူဝ်ႁႂ်ႈၵႅၼ်ႇၶႅင်ႇ ၊ သၢၼ်တူဝ်ၼႆႉတေၸွႆႈလူတ်းယွမ်းပၼ်ၵၢၼ်ၸဵပ်းၵႅၼ်းယွၼ်ႉႁွႆးၸဵပ်းၼႂ်းတူဝ်ၶိင်းၵူၼ်းႁဝ်းၼႆယဝ်ႉ။

လိူဝ်ၼႆႉယဝ်ႉဝၢၼ်ႁၢင်ငိူၵ်ႈၼႆႉ ၸႆႈလူတ်းယွမ်း Cholesterol ၼႂ်းလိူတ်ႈသုင်ၵိၼ်ပၼ်ၼမ်ႉဝၢၼ်ႁၢင်ငိူၵ်ႈၸပ်းၵၢမ်းၵၼ်ၶၢဝ်းတၢင်းႁိုင် ႑႒ ဝူင်ႈတေႁူႉဝႃႈတၢင်းပဵၼ်လိူတ်ႈၶိုၼ်ႈသုင်ၼၼ်ႉတေလူတ်းယွမ်းလူင်း  လႄႈလီတေႃႇႁူဝ်ၸႂ်ၼႆယဝ်ႉ။