A Buddhist monk stands next to a banner with a picture of monk Thich Quang Duc, who set himself on fire on a busy Saigon street corner in 1963, at the at Vietnam Quoc Tu pagoda in Ho Chi Minh City on June 3, 2018. - Vietnam marked the 55th anniversary of the self-immolation of Thich Quang Duc, the monk whose fiery protest came to symbolise the repression of the US-backed South Vietnamese regime against Buddhism. (Photo by Kao NGUYEN / AFP)
ၵမ်ႇၽႃႇသၼ်ႇဝႆ ၸဝ်ႈရႁၢၼ်း ၸုတ်ႇၾႆးၽဝ်တူဝ်တၢႆ ၼေၵၢင်ၸႂ် တေႃႇၸွမ်ၸိုင်ႈ ၸၢဝ်းၶရိတ်း ဢၼ်ဢမ်ႇယွမ်းႁႂ်ႈၸၢဝ်းၿုတ်းထ ႁဵတ်းၵၢၼ်သႃႇသၼႃႇ ၼႂ်းဝၼ်းလိူၼ်ႁူၵ်းမူၼ်း ၼႂ်းမိူင်းဝႅတ်ႉၼၢမ်း မိူဝ်ႈပီႊ1963
 |
| ႁၢင်ႈၸဝ်ႈရႁၢၼ်း ထိုၵ်ႊၵႂၢင်ႊတိုၵ်ႊၽဝ်တူဝ်တၢႆ ပိူဝ်ၼေၵၢင်ၸႂ်သၢၼ်ၶတ်းတေႃႇလူင်ပွင်ၸိုင်ႈမိူင်းဝႅတ်ႉၼၢမ်းၸၢၼ်း (By Malcolm Browne for the Associated Press [Public domain], via Wikimedia Commons) |
မိူဝ်ႈဝၼ်းထီႉ11 June 1963 ၼၼ်ႉၵူၼ်းမိူင်းတၢင်းၵမ်ႇၽႃႇဢၼ်ၵၼ်တူၵ်းတူၵ်းၸႂ် လွင်ႈဢၼ်ၸဝ်ႈရႁၢၼ်း ၸၢဝ်းၶိူဝ်းဝႅတ်ႉၼၢမ်းတူၼ်ၼိုင်ႈ လႆႈၽဝ်တူဝ်ၸဝ်ႈၵဝ်ႇတၢႆ တီႈၼိူဝ်သဵၼ်ႈတၢင်းၽေသီႇသဵၼ်ႈ ၼႂ်းမိူင်းသျႆးငွၼ်ႉ ၽွင်းမိူဝ်ႈၵၢၼ်ငူပ်ႉငီႉၵၼ်ၵပ်ႉၵိၼ်း တႃႇၼေၵၢင်ၸႂ်သၢၼ်ၶတ်းလွင်ႈႁဵတ်းသၢင်ႈဢမ်ႇတြႃးၶွင်ၸွမ်ၸိုင်ႈ ငူဝ်ၻိၼ်ႊၻဵမ်ႉ(Ngô Đình Diệm) ဢၼ်ယုမ်ႇယမ်ၼပ်ႉꩪိုဝ်ၵိူင်းသႃသၼႃႇ ၶရိတ်ႉၶꩪေႃးရိၶ်ႉ လႆႈဢွၵ်ႇၶေႃႈသင်ႇႁၢမ်ႊ ၸၢဝ်းၿုတ်းထၽႃႇသႃႇ ပူၵ်းတင်ႈၸွမ်ပိဝ်သႃႇသၼႃႇၿုတ်း ၼႂ်းဝၼ်းလိူၼ်ႁူၵ်းမူၼ်း ။
ပၢင်ၼေၵၢင်ၸႂ်လႆႈတေႇၶိုၼ်ႈၽွင်းၼႂ်းလိူၼ် May တီႈမိူင်းဝေႉ ဢၼ်ပဵၼ်မိူင်းလူင် လႆႈထုၵ်ႈၸဝ်ႈၼႃႈတီႈၶဝ်ယိုဝ်းသႂ်ႇ ႁဵတ်းႁႂ်ႈမီးၵူၼ်းလူမ်ႉတၢႆ 9 ၵေႃႉ ၼႂ်းလိူၼ် June ၸင်ႇမီးပၢင်ၼေၵၢင်ၸႂ်သၢၼ်ၶတ်းထႅင်ႈတီႈမိူင်းသျႆးငွၼ်ႉ ႁႂ်ႈလူင်ပွင်ႈၸိုင်ႈသၢႆႈတႅၼ်းပၢၼ်ၵူၼ်းႁိူၼ်းၸိူဝ်းထုၵ်ႇၸဝ်ႈၼႃႈတီႈၶွင်လူင်ပွင်ၸိုင်ႈၶႃႈႁႅမ်တၢႆတီႈမိူင်းဝေႉ လႄႈ ယႃႇႁႂ်ႈၸဝ်ႈၼႃႈတီႈၶဝ်ႈမႃးယႃႉၵဝ်းတၢင်းၵၢၼ်သႃသၼႃႇၶွင်ၸၢဝ်းၿုတ်းထ ႁႂ်ႈပၼ်သုၼ်ႇလႆႈသုၼ်ႇပဵၼ်ၸၢဝ်းၸိူဝ်းၼပ်ႉထိုဝ်သႃႇသၼႃႇၿုတ်းထ ႁႂ်ႈၽဵင်ႇပဵင်ၵၼ်ၸိူဝ်းၼပ်ႉထိုဝ်သႃႇသၼႃႇၶရိတ်း ၊ ၵၢၼ်ၼေၵၢင်ၸႂ်ပွၵ်ႈၵမ်းၼႆႉမီးၸဝ်ႈရႁၢၼ်းတၢင်းၼမ်ထိုင် 300 တူၼ်။
ၽွင်းၼၼ်ႉၸဝ်ႈရႁၢၼ်းတူၼ်ၼိုင်ႈ ၸိုဝ်ၸဝ်ႈႁွင်ႉ ထိုၵ်ႊၵႂၢင်ႊတၵ်ႊ ၽူႈဢၼ်မီးၸိုဝ်ႈသဵင်ၼႂ်းၵၢၼ် ဝိပသၼႃႇ သမ်ႇမႃႇထိ လႆႈဢွၵ်ႇၶၢဝ်းတၢင်းတၢင်းလုၵ်ႉတီႈမိူင်းဝေႊ သေမႃးတီႈမိူင်းသျႆးငွၼ်ႉယၢမ်းၼၼ်ႉမိူဝ်ႈမႃးထိုင်ယဝ်မၼ်းၸဝ်ႈၵေႃႈၼင်ႈလူင်းတီႈၼိူဝ်သေၼ်ႈတၢင်းၽေ ၼၼ်ႉသေမီးၸဝ်ရႁၢၼ်းၶဝ်ၶဝ်ၵူၼ်းမိူင်းၶဝ်ဢွၼ်ၵၼ်လွမ်ႉႁွပ်ႈမၼ်းၸဝ်ႈဝႆႉဢမ်ႇပၼ်ႁႂ်ႈၸဝ်ႈၼႃႈတီႈၶဝ်ၶဝ်ႈယႃႉၵဝ်း
မၼ်းၸဝ်ႈၼင်ႈလူင်းသေ ၼင်ႈသမႃႇထိ ယုၵ်ႉမိုဝ်းပဵင်းဢူၵ်းသေဝႆႈ ယၢမ်းၼၼ်ၸင်ႇမီးၵူၼ်းဢဝ်ၼမ်ႉမၼ်းႁူတ်းသႂ်ႇၸွမ်းတူဝ်မၼ်းၸဝ်ႈသေ မၼ်းၸဝ်ႈၸင်ႇၸုတ်ႇၾႆးၽဝ်တူဝ်မၼ်းၸဝ်ႈ တေႃႇထိုင်ၾႆးလုၵ်ႉမႆႈႁႅင်း မၼ်းၸဝ်ႈၵေႃႈဢမ်ႇႁွင်ႉၶၢင်းၸဵပ်းၵႅၼ်းသင် ယင်းတိုၵ်ႉၼင်ႈသမႃႇထိႉၼႂ်းမုၵ်ႉၾႆးၼၼ်ႉ တေႃႇထိုင်တူဝ်မၼ်းၸဝ်ႈလူမ်ႉၼွၼ်းလူင်းႁင်းၵူၺ်းသေ သဵင်ႈၸႂ်လွၼ်ႇၵႂႃႇယူႇ။
မိူဝ်ႈမၼ်းၸဝ်ႈတေၸုတ်ႇၽဝ်တူဝ်မၼ်းၸဝ်ႈၼၼ်ႉ မၼ်းၸဝ်ႈလႆႈၵၢဝ်ႇလၢတ်ႈဝႃႈ
- ၵဝ်ၶႃႈဢမ်ႇလႆႈတၢႆ ၵွပ်ႈလွင်ႈတၢင်းငိူဝ်ႈငႃႉ
- ၵဝ်ၶႃႈဢမ်ႇလႆႈတၢႆယွၼ်ႉၵွပ်ႈ မိၵ်ႉသႃႇတိၵ်ႉထိ
- ၵဝ်ၶႃႈတၢႆ ပိူဝ်ႈႁႂ်ႈၵူၼ်းႁူၼူၵ်ႇလႆႈငိၼ်း
- ၵဝ်ၶႃႈတၢႆ ပိူဝ်ႈႁႂ်ႈၵူၼ်းတႃမွတ်ႇလႆႈႁၼ်
- ၵဝ်ၶႃႈတၢႆပိူဝ်ႈတႃႇ ၵိုတ်းလိုဝ်ႈ လွင်ႈၵူၼ်းၶိူဝ်းလဵဝ်ၵၼ်ၶႃႈႁႅမ်ၵၼ်တၢႆၶိုၼ်း
ၾႆးမႆႈၼိူဝ်ႉတူဝ်မၼ်းၸဝ်ႈဢမ်ႇၵိုတ်းသင် ၵူၺ်းၵႃႈ ဢမ်ႇမႆႈပႃးႁူဝ်ၸႂ်မၼ်းၸဝ်ႈလႄႈ လုၵ်ႉၼွင်ႉတပေးမၼ်းၸဝ်ႈၸင်ႇၵဵပ်းဢဝ်ႁူဝ်ၸႂ်မၼ်းၸဝ်ႈသႂ်ႇဝႆႉၼႂ်းဢုပ်းၶမ်းသေ လုတ်ႉဢၼ်မၼ်းၸဝ်ႈၶီႈမႃးတီႈမိူင်းဝေႊၼၼ်ႉၵေႃႈလႆႈဢဝ်ၵဵပ်းလုမ်းလႃးဝႆႉႁႂ်းၵူၼ်းလုၼ်ႈလင်ၶဝ်လႆႈႁူႉၼႆယဝ်ႉ
လွင်ႈဝႃႈၸဝ်ႈရႁၢၼ်း ထၵ်းၵႂၢင်တၵ်ႉ လႆႈၸုတ်ႇၾႆးၽဝ်တူဝ်တၢႆ ပိူဝ်ႈႁႂ်ႈၿုတ်ႉထသႃႇသၼႃႇသိုပ်ႇၵႂႃႇၼႂ်းမိူင်းဝႅတ်ႉၼၢမ်းၼႆႉ ႁဵတ်းႁႂ်ႈၸွမ်ၸိုင်ႈ ငူဝ်ၻိၼ်ႊၻဵမ်ႉ(Ngô Đình Diệm) လႆႈပိုၼ်ၽၢဝ်ႈယွမ်းဢူၼ်ႈဢွၼ်ႇတေႃႇၵူၼ်းၸိူဝ်ၼေၵၢင်ၸႂ်ၸၢဝ်းၿုတ်းထၶဝ်ယူႇ ၊ ၵူၺ်းၵႃႈၶေႃႈတူၵ်းလူင်းၸိူဝ်းလၢတ်ႈဝႆႉၸိူဝ်းၼၼ်ႉထႆႈထုၵ်ႇထိမ်ႇ ဢဝ်ႉမူၵ်ႉၸွၵ်ႉယၢင်ႈၶႃႇဝႆႉ လႄႈၽၢႆႇၽူႈယုမ်ႇယမ်ၼႂ်းၿုတ်းထသႃႇသၼႃႇ ၵေႃႈလႆႈထုၵ်ႇပူၼ်ႉပႅၼ်ယူႇ
ဝၢႆးမႃးႁဵတ်းႁႂ်ႈလွင်ႈတႅၵ်ႇၸတ်ႉၵၼ်ၽၢႆႇၼႂ်းၶိုၼ်းသေ ၸၢဝ်းၿုတ်းထ တူဝ်ႈတၢင်းမိူင်ႈလႆႈလုၵ်ႉႁိုၼ်သၢၼ်ၶတ်း ၼႂ်းလွင်ႈၵၢၼ်ဢုပ်ႉပိူင်ႇဝၢၼ်ႈမိူင်း တဵၵ်းတဵင်ၵူၼ်းၸၢဝ်းၿုတ်းထ ၊ ၵူၺ်းၵႃးၵူၼ်းၶိူဝ်းႁိူၼ်း ငူဝ်ႊ ၶဝ်ၵုမ်းဢႃႇၼႃႇ လူၺ်ႈမီးလူင်ပွင်ၸိုင်ႈဢမေႇရိၵၼ်ႇယူႇၽၢႆႇလင်သေပၼ်ႁႅင်းမိူဝ်ႈပၢၼ်ၼၼ်ႉ
ၶဝ်ၸႂ်ႉသၢႆသိုၵ်းၶိုၵ်ႉတွၼ်း ဢၼ်ၵေႃႇတင်ႈမႃးတႃႇႁေႉၵင်ႈပၼ်ၵူၼ်းၶိူဝ်းႁိူၼ်း ငူဝ်ႊ ၵမ်းသိုဝ်ႈ ၊ ၶဝ်ႁဵတ်းႁၢႆႉတေႃႇၽူႈၼေၵၢင်ၸႂ်သၢၼ်ၶတ်းၶဝ် ၊ ၶဝ်ယႃႉလူႉၵွႆ ဝတ်းၵျွင်းၶွင်ၸၢဝ်းၿုတ်းထသႃႇသၼႃႇ ၊ ၶဝ်သိမ်းဢဝ်ႁူဝ်ၸႂ်ၶွင်ၸဝ်ႈရႁၢၼ်း ထိုၵ်ႊၵႂၢင်ႊတိုၵ်ႊ ဢၼ်ၾႆးဢမ်ႇမႆႈၼၼ်ႉၵႂႃႇၸွမ်း ႁဵတ်းႁႂ်ႈမီးၵူၼ်းလူမ်ႉတၢႆလၢႆပၢၵ်ႇၵေႃႉသေ ႁဵတ်းႁႂ်ႈ လူင်ပွင်ၸိုင်ႈဢမေႇရိၵၼ်ႇ ဢၼ်ပၼ်ႁႅင်းယူႇၽၢႆလင်ၼၼ်ႉ ဢမ်ႇတူၺ်းလႆႈသေ လူင်ပွင်ၸိုင်ႈဢမေႇရိၵၼ်ႇ ၸင်ႇၶိုၼ်းပၼ်ႁႅင်းႁႂ်ႈၵူၼ်းသိုၵ်းၸိူဝ်းၽၢႆႇၵူၼ်းမိူင်းၼၼ်ႉသိမ်းဢႃႇၼႃႇ ၸွမ်ၸိုင်ႈ ငူဝ်ႊၻိၼ်ႊၻဵမ်ႊ(Ngô Đình Diệm) ၼၼ်ႉၶိုၼ်းသေ တီႉၺွပ်းဢဝ် ၸွမ်းၸိုင်းယွၵ်းၵႅၵ်း ငူဝ်ႊၻိၼ်ႊၻဵမ်ႊ (Ngô Đình Diệm) လႄႈ ငူဝ်ႊၻိၼ်ႊၼူ သွင်ၶႃပီႈၼွင်ႉ ဢဝ်ၵႂႃႇပၼ်တၢမ်ႇတၢႆယူႇယဝ်ႉ
ၵမ်းလိုၼ်း မီးဢႃႇၼႃႇလူၼ်ၾႃႉၵေႃႈ မႆႈမွတ်ႇၵႂႃႇယွၼ်ႉႁူဝ်ၸႂ်ႁူၺ်ႇလဵဝ်ၶွင်ႈၽူႈမီးသိၼ်ထမ်းၼၼ်ႉၵူၺ်း။
Baht Exchange Rate
