ၸွင်ႇၸုမ်း sspp တေယိုဝ်းသိုၵ်းမၢၼ်ႈ ၸွင်ႇမၢၼ်ႈတေယိုဝ်းsspp

 ၸွင်ႇၸုမ်း sspp တေယိုဝ်းသိုၵ်းမၢၼ်ႈ ၸွင်ႇမၢၼ်ႈတေယိုဝ်းsspp ထတ်းသၢင်တူၺ်းၸွမ်းၵၼ်

ၸုမ်းsspp ပၢၼ်မႂ်ႇၼႆႉ တႃႇတေတိုၵ်းယိုဝ်းမၢၼ်ႈဢၼ်ဝႃႈၼၼ်ႉဢမ်ႇပဵၼ်လႆႈ တႃႈသိုၵ်းမၢၼ်တေတိုၵ်းယိုဝ်းၸုမ်းsspp ဝၢၼ်ႈႁႆးၼႆၵေႃႈဢမ်ႇပဵၼ်လႆႈ ၵွပ်ႈပိူဝ်ႈဝႃႈၸုမ်း sspp လႄႈသိုၵ်းမၢၼ်ႈၶဝ်ႈ လႆႈဢုပ်ႇဢူဝ်းၵၼ်သေမီးၶေႃႈတူၵ်းလူင်းၸွမ်းသိုၵ်းမၢၼ်ႈဝႆႉယဝ်ႉ ၼႂ်းၶေႃႈတူၵ်းလူင်းၶဝ်သွင်ၸုမ်းၼၼ်ႉမီးၼင်ႇတီႈတႂ်ႈၼႆႉယူႇ

ၶေႃႈတုၵ်းယွၼ်းၽၢႆႇသိုၵ်းမၢၼ်ႈ

1.ၸုမ်း sspp တေဢမ်ႇလႆၽၢတ်ႇဢွၵ်ႇမိူင်းႁူမ်ႈတုမ် တေလႆႈၸွႆႈသိုၵ်းမၢၼ်ႈၵႅတ်ႇၶေမိူင်းႁူမ်ႈတုမ် ၼႂ်းမိူင်းတႆးၼႆႉသင်ဝႃႈမီးသေၸုမ်းၸုမ်း ဢၢၼ်းလုၵ်ႉၽိုၼ်ႉမၢၼ်ႈၼႆၸိုင် sspp ၶဝ်တေလႆႈတိုၵ်းၽဵဝ်ႈပႅတ်ႈသင်ဝႃႈၸုမ်းsspp ႁဵတ်းၸွမ်းၶေႃႈတုၵ်းယွၼ်းၼႆၸိုင် ၸုမ်းsspp ၶဝ်တေလႆႈႁပ်ႉလွင်ႈၸွႆႈလိူဝ်တီႈၸုမ်းသိုၵ်းမၢၼ်ႈၵူႈလွင်ႈ မိူၼ်ၼင်ႇဢၼ်ႁၼ်ယူႇတႂ်ႈတႃယၢမ်းလဵဝ်

1.1 ပၼ်ၶႂၢင်ႉႁႂ်ႈၵႂႃႇၼိူဝ်သဵၼ်ႈတၢင်းလူင် ၶဝ်ႈဝဵင်းဢွၵ်ႇသဵင်းလႆႈၵူႈတီႈ

1.2 ၸွႆႈထႅမ်လူတ်ႉၵႃး လႄႈ ၶိူင်ႈၵွင်ႈ ၶိူင်ႈမၢၵ်ႇ

1.3 ႁဵတ်းၵၢၼ်ပၢႆမၢၵ်ႈမီးလႆႈလွတ်ႈလႅဝ်း

1.4 ဢဝ်ႁႅင်းသိုၵ်းသေ တူင်ႉၼိုင်ၼႂ်းပိုၼ်ႉတီႈလႆႈထၢင်ႇႁၢင်ႈ

1.5 ၵဵပ်းၶွၼ်ႇ ၵဵပ်းသိုၵ်းလႆႈ ထၢင်ႇႁၢင်ႈ

2.သင်ဝႃႈၸုမ်း sspp ၶဝ်လႆႈၸႂ်ၶေႃႈတုၵ်းယွၼ်းၶွင်ၸုမ်းသိုၵ်းမၢၼ်ႈဢၼ်ဝႃႈ ဢမ်ႇၽၢတ်ႇဢွၵ်ႇမိူင်းႁူမ်ႈတုမ် သေၸွႆႈသိုၵ်းမၢၼ်ႈတိုၵ်းၸုမ်းလုၵ်ႉၽိုၼ်ႉၼႆၸိုင်

2.1 သိုၵ်းမၢၼ်ႈၶဝ်တေႁဵတ်းပၼ်ႁူင်းယႃလူင်တီႈငဝ်ႈငုၼ်းဝၢၼ်ႈႁႆး

2.2 သိုၵ်းမၢၼ်ႈၶဝ်တေႁဵတ်းပၢၼ်ႁူင်းႁဵၼ်းၸၼ်ႉၸွမ်တီႈငဝ်ႈငုၼ်းဝၢၼ်ႈႁႆး

2.3 သိုၵ်းမၢၼ်ႈၶဝ်တေၸွႆႈပူၵ်းပွင်ၼႃႈလိၼ်ၶိုၼ်ႈယႂ်ႇ

2.4 ႁူမ်ႈၵၼ်ႁဵတ်းၵၢၼ်ၵႃႉၶၢႆတေႃႇၼွၵ်ႈမိူင်း ၼႂ်းမိူင်း

ၶေႃႈတုၵ်းယွၼ်းၸုမ်းsspp 

1. လွင်ႈၶေႃႈတုၵ်းယွၼ်းၸုမ်းသိုၵ်းမၢၼ်ႈ ဢၼ်ယွၼ်းလွင်ႈၽွမ်ႉႁူမ်ႈ ႁႂ်ႈၸုမ်း sspp ဢမ်ႇၽၢတ်ႇဢွၵ်ႇမိူင်းႁူမ်ႈတုမ် သေႁႂ်ႈၸွႆႈသိုၵ်းမၢၼ်ႈၵႅတ်ႇၶေမိူင်းႁူမ်ႈတုမ်ယႃႇႁႂ်ႈတႅၵ်ႇယၢႆႈၼၼ်ႉသေ ၽၢႆႇၸုမ်း sspp မီးလွင်ႈတုၵ်းယွၼ်းတီးၸုမ်းသိုၵ်းမၢၼ်ႈဝႆႉၼင်ႇတႂ်ႈၼႆႉ

1.1 ၸုမ်း sspp ၵႂႃႇတၢင်းလႂ်ၵေႃႈၸုမ်းသိုၵ်းမၢၼ်ႈတေဢမ်ႇလႆႈယႃႉၵဝ်း ၶတ်းၶႂၢင်

1.2 ၼႂ်းပိုၼ်းတီႈဢၼ်ၸုမ်း sspp ၵုမ်းၵမ်ၵူႈတီႈၼၼ်ႉသိုၵ်းမၢၼ်ႈတေဢမ်ႇလႆႈသုၵ်ႉယုင်ႈၸိမ်ၸွမ်း

1.3 သိုၵ်းမၢၼ်ႈတေဢမ်ႇလႆႈသွၵ်ႈတဝ်လူတ်ႉၵႃးတၢင်ႇၵုၼ်ႇၶွင်sspp 

1.4 သိုၵ်းမၢၼ်ႈတေလႆႈတိုဝ်းၵမ်ၸွမ်းလွင်ႈဢၼ်သိုၵ်းမၢၼ်ႈၶဝ်လၢတ်ႈဝႆႉၼၼ်ႉၵူႈၶေႃႈ

ၵွပ်ႈသွင်ၽၢႆႇလႆႈဢုပ်ႇဢူဝ်းငူပ်ႉငီႉၵၼ်ၸိူင်ႉၼႆလႄႈ ၽၢႆႇsspp ၶဝ်ထၢင်ႇႁၢင်ႈၵႂႃႇၼိူဝ်သဵၼ်ႈတၢင်းလူင်ႈလႃႈၵူႈတီႈ လူၺ်ႈသိုၵ်းမၢၼ်ႈၶဝ်ဢဝ်ၶဝ်ၸိမ်ယႃႉၵဝ်းၸွမ်း ၸုမ်းsspp ထၢင်ႇႁၢင်ႈႁႅၼ်းသိုၵ်းသေၶီႇၵႃးလူင်လတ်းၶဝ်ႈဝဵင်းဢွၵ်ႇဝဵင်း လတ်းၼႃႈတပ်ႉသိုၵ်းမၢၼ်ႈလႆႈၵူႈတီႈ သေၸွမ်းလိုပ်ႈလမ်းၸုမ်းၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး ႁၢဝ်ႈႁႅင်း ပၢင်တိုၵ်းမၢင်တီႈသိုၵ်းမၢၼ်ႈၶဝ်ယူႇၽၢႆႇလင်သေပွႆႇမၢၵ်ႇလူင်ၸွႆႈၸုမ်းsspp ၶဝ်ယူႇ

ၵွပ်ႈပိူဝ်ႈၸုမ်း sspp ၶဝ်ၸုမ်းလဵဝ်တိုၵ်း ၸုမ်းၶွင်ႇသီႇဢဝ်ၶိုၼ်းၸိုင်ႈတႆး တပ်ႉသိုၵ်းၸိုင်ႈတႆး ဢမ်ႇပေႉလႆလႄႈ ဝၢႆးလင်မႃး ၶဝ်ႁွင်ႉသိုၵ်းလွႆတိုၵ်းၸွႆႈၵေႃႈပႆႇပေႉလႆႈ ႁွင်ႉဢဝ်သိုၵ်းၵဝ်ႈၵၢင်ႉတိုၵ်းၸွႆႈၵၢေႃႈပႆႇပေႉလႆႈ ႁွင်ႉသိုၵ်းဝ တိုၵ်းၸွႆႈၵေႃႈပႆႇပေႉလႆႈ 

ၼႂ်းပၢင်တိုၵ်းမၢင်တီႈ ၸုမ်းsspp ယူႇတႅဝ်းၼႃႈ သိုၵ်းလွႆယူႇ ၵၢမ်း သိုၵ်းဝ ယူႇၽၢႆႇလင်သေၸွႆႈယိုဝ်း ၶဝ်သၢမ်သီႇၸုမ်းယူႇသွၼ်ႉၵၼ်သၢမ်သီႇထၢပ်ႈသေတိုၵ်းRCSS ၸုမ်းလဵဝ်ၵေႃႈဢမ်ႇပေႉလႆႈ ၊ ၵမ်းလိုၼ်းမႃးၵေႃႈ RCSS လႆႈထွၼ်သိုၵ်းသေထွႆၵႂႃႇၶိုၼ်းပွတ်းၸၢၼ်း ယွၼ်ႉဢမ်ႉၶႂ်ႈႁႂ်ႈၵူၼ်းမိူင်းလႆႈတုၵ်ႉၶ လႆႈပၢႆႈၽေးပၢင်တိုၵ်းတႆးတေႃႇတႆးၼႆယဝ်ႉ

လွင်ႈဢၼ်ၸုမ်းRCSS ၶဝ်လႆႈထွႆၼၼ်ႉဢမ်ႇၸႂ်ႈဝႃႈယွမ်ႉၵၢၼ်ႉသေထွႆ ၵွပ်ႈပိူဝ်ႈဢမ်ႇၶႂ်ႈၸုၼ်ႉႁႅင်းသိုၵ်း ဢမ်ႇၶႂ်ႈႁႂ်ႈႁႅင်းသိုၵ်းယွမ်းလူင်းယွၼ်ႉတႆးၼင်ႇၵၼ်တိုၵ်းယိုဝ်းၵၼ်ၶိုၼ်ႈလႄႈယွမ်းꩪွႆၼႆယဝ်ႉ

ꩪႅင်ႈလွင်ႈၼိုင်ႈ ယွၼ်ႉႁၼ်ဝႃႈၸုမ်းၶူဝ်းၶဵဝ်sspp ၶဝ်တူၵ်းလွၵ်းပိူၼ်ႈဝႆႉလႄႈ တႃႇႁူမ်ႈၽွမ်ႉၵၼ်ၼၼ်ႉတိုဝ်ႉတၢင်းမၼ်ႈဢမ်ႇပၼ် ၸၢင်ႈတေႁဵတ်းႁႂ်ႈတပ်ႉသိုၵ်းတႆးသွင်ၸုမ်းႁၢင်ႇၵႆၵၼ်ၵႂႃႇတိၵ်းၼႆယဝ်ႉ

ၸုမ်းဢၼ်ယူႇၽၢႆလင်ၸုမ်း sspp ၶဝ်သမ်ႉမီးၸုမ်းသိုၵ်းမၢၼ်ႈ ၸုမ်းသိုၵ်းဝ ၸုမ်းသိုၵ်းလွႆ ၶဝ်ဢီးသူၼ်းပၼ်ႁႅင်းၶဝ်ဝႆႉလႄႈ သင်ဝႃႈဢမ်ႇထွႆၼႆၵေႃႈတူၵ်းလွၵ်းပိူၼ်ႈတဵမ်တဵမ်ၼႆယဝ်ႉ။