ၵူၼ်းသၢမ်ပၢၼ်ၸဵတ်းသႅၼ်း
ၸွမ်းၼင်ႇဝၼ်းလိူၼ်ပီႊပဵၼ်ႇၶၢႆႉလႅၵ်ႈလၢႆႈၶၢႆႉပၼ်ႇပုတ်ႈၵၼ်သေ ၵူၼ်းႁဝ်းပၢၼ်ၼိုင်ႈလႄႈပၢၼ်ၼိုင်ႈ လွင်ႈယူႇၵိၼ်ၵေႃႈလႅၵ်ႈလၢႆႈၸွမ်းမႃးလႄႈ ၵူၼ်းၵၢပ်ႈပၢၼ်ၵွၼ်ႇလႄႈၵူၼ်းၵၢပ်ႈပၢၼ်ယၢမ်းလဵဝ်ၵေႃႈပႅၵ်ႇပိူင်ႈၵၼ်ယူႇ
ၵူၼ်း ဢွၼ်ႇဢေလႅင် ၶႅင်ပၼ်ႈႁၢဝ်း တိုတ်ႉတၢဝ်း ၸွင်ႇၶႅၼ်မိုဝ်း ၵူၼ်း လုၵ်ႈဢွၼ်ႇ5 ၶူပ်ႇ6 ၶူပ်ႇ ထိုင်16 ၶူပ်ႇပႅၼ်မိုဝ်း ႁဵၼ်းပၺ်ႇၺႃႇၺၢၼ်ႇ တၢဝ်းတိုတ်ႉပႃးထူင်
ၵူၼ်း ၼုမ်ႇႁၢတ်ႈပၢၼ်ႁၢႆး သမ်းလၢႆးၸွတ်ႇလၢႆၸိုင်ႈ ၵူၼ်း ၵၢင်ၵူၼ်းမူၼ်ႈသူင်သိူဝ်း ၼပ်ႉပႅၵ်ႉငိုၼ်း ၵႃႉတိုၼ်းလၢင်းယဝ်ႉ မႅၵ်ႇပုၼ်ႈ
ၵူၼ်း ထဝ်ႈၵႄႇႁူႉၼမ် လိၵ်ႈလၢႆးၵဝ်ႇမီးလွၼ်ႉ ၵူၼ်းမိူဝ်ႈၵွၼ်ႇ ဝၢႆးၵိၼ်ၶဝ်ႈယဝ်ႉ တေလုတ်ႇ ၵိၼ် ယိုဝ်ႉ ပူႉ တွႆႇ ယႃႈ သႃးၸေး ယႃႈလႅင် ယႃႈသေး လႅၼ်းယႃႈ ယႃႈၵဵၼ် ၸိူဝ်းၼႆႉၶႃႈ
ၾိင်ႈယူႇၵိၼ်ၶွင်ၵူၼ်းမိူဝ်ႈၵွၼ်ႇၶဝ်ၼႆႉ ယူႇၸွမ်းသၽႃႇဝ ၵိၼ်ၸွမ်းသၽႃႇဝ ဢမ်ႇဢူၼ်ဢမ်ႇသုၵ်ႉဢမ်ႇၵဝ်းၵၼ် ၊ ၵူၼ်းႁိူၼ်းၼိုင်ႈလႄႈႁိူၼ်းၼိုင်ႈ ၶဝ်တေလေႇၵၼ်သေတေဢုပ်ႇၵၼ်ၸွမ်းၼင်ႇလွင်ႈသူင်ၵျိူၵ်ႈၽႂ်မၼ်း ၊ ၸဝ်ႈႁိူၼ်းၵေႃႉတေမီးၼမ်ႉၼဵင်ႈၶူမ် လႄႈ လႅၼ်းယႃႈ တမ်းပၼ်ၵၼ် မၢင်ပွၵ်ႈၵေႃႈၵိၼ်ၶဝ်ႈႁဵတ်းၶႅၵ်ႇၵၼ်ၸိူဝ်းၼႆႉယဝ်ႉ။
ၵူၼ်းမိူဝ်ႈၵွၼ်ႇၶဝ်ၼႆႉၵမ်ႈၼမ်တေႉသူင်ၵျိူၵ်ႈသမ်းလၢႆးယဝ်ႉ မၢင်ၵေႃႉၵေႃႈသမ်းပေႃးၸတ်ႇတၢင်းတူဝ်လႂ်ၸိူဝ်းၼႆႉယဝ်ႉ။
ၵၢၼ်သမ်းလၢႆးၶွင်ၵူၼ်းမိူဝ်ႈၵွၼ်ႇၶဝ်ၼႆႉ မၼ်းမီးလွင်ႈမီးတၢင်းမၼ်းတၢင်းၼမ်ယူႇ မိူၼ်ၼင်ႇ
- သမ်းႁေႉၽိူဝ်ႉႁေႉၽီ
- သမ်းႁေႉဢတၢတ်ႈ ဢမွင်း
- သမ်းႁေတူဝ်သတ်းထိူၼ်ႇႁၢႆႉ ၵူၼ်းႁၢႆႉ
- သမ်းႁႂ်ႈၽၼ်းတႅင်းဢမ်ႇၶဝ်ႈ
- သမ်းႁႂ်ႈၵွင်ႈယိုဝ်းဢမ်ႇပဵၼ်ၾႆး
ထႅင်ႈလွင်ႈၼိုင်ႈ ၵူၼ်းမိူဝ်ႈၵွၼ်ႇၶဝ်ၼႆႉၵမ်ႈၼမ်တေမီးၶွင်လီ ၵႃႇထႃႇလီ ဢဝ်ဝႆႉႁေႉၵင်ႈတူဝ်ၶိင်းၽႂ်မၼ်းယူႇ ၊ လိူဝ်သေၼႆႉယဝ်ႉၵူၼ်းမိူဝ်ႈၵွၼ်ႇၶဝ်တေမေႃလၢႆး လႄႈ ပဵၼ်ၸဝ်ႈလၢႆးလူင်ၵမ်ႈၼမ်ၼႆယဝ်ႉ။
Baht Exchange Rate
