သူၼ်ၼဵင်ႈ တူၼ်ႈၼဵင်ႈ ၼဵင်ႈ ယႃႈယိုဝ်ႉ

သူၼ်ၼဵင်ႈ တူၼ်ႈၼဵင်ႈ ၼဵင်ႈ ယႃႈယိုဝ်ႉ

တူၼ်ႈၼဵင်ႈၼႆႉ ၽုၵ်ႇငၢႆႈ ပေႃးဝၢၼ်ႇၵႃႈမၼ်းဝႆႉ ၼိူင်ႈတိူၵ်ႇ (300)တူၼ်ႈ ပေႃးသုင်(1/2)ၶိုပ်ႈ ၶိုၼ်းၶၢႆႉၵႂႃႇၽုၵ်ႇ သူၼ်တီႈၵႂၢင်ႈ ႁဵတ်းၶုမ် ႁၢင်ႇၵၼ် (1)ဝႃး ပေႃးဢႃယူႉလႆႈ(1)ပီะ ပိတ်း/တွၼ်/ယၵ်းယွတ်ႈမၼ်းၶၢႆလႆႈယဝ်ႉၶႃႈ.....

ပေႃးၽုၵ်ႇဝႆႉ (300/500)တူၼ်ႈၼႆၸိုင် လဵင်ႉၼႃႈႁိူၼ်းလႆႈၼိူင်ႈလင်ယဝ်ႉ တူၼ်ႈၼဵင်ႈၼႆႉ ပဵၼ်တူၼ်ႈမဵဝ်းဢႃယူႉယိုၼ်း(1)ပီะထိုင်လႆႈ(400)ပီะ ထိုင် (600)ပီะ ၸိူဝ်းၼႆႉ လႆႈဝႃႈ ၸၢမ်ႇၵိၼ်လႆႈႁိူင် လၢႆၸူဝ်ႈၵူၼ်း တေႃႇၸူဝ်ႈလုၵ်ႈပၢၼ်လၢၼ်ယဝ်ႉၶႃႈ။

ၼ်ႂးမိူင်းတႆးႁဝ်းၶႃႈ တေလေႉၵၼ်ၽုၵ်ႇသွမ်ႈၼမ်တေႉ" ဝဵင်းတူၼ်ႈတီး ပၢင်လွင်း လွႆလႅမ် ႁူဝ်ပူင်း မိူင်းၼၢႆး ပၢင်လူင် လၢင်းၶိူဝ်း သီႇပေႃႉ ၵျွၵ်ႉမႄး လွႆလူင် ၼမ်ႉသၼ်ႇ ၼမ်ႉၸၢင် တေႃႉသၢင်ႇ မိူင်းလူင် မိူင်းၵုတ်ႈ မိူင်းမိတ်ႈ သႅၼ်ဝီ ၵူတ်ႉၶၢႆ မိူင်းၸီး မိူင်းၵူဝ်းၵၢင်ႉ/ၵဝ်ႈၵၢင်ႉ ၵုၼ်လူင် ႁူဝ်ပၢင်ႇ ပၢင်သၢင်း ၸိူဝ်းၼႆႉ ပဵၼ်တီႈၽုၵ်ႇတူၼ်ႈၼဵင်ႈၼမ် လႄႈ တေၵႃႉၶၢႆတေႃႉသူင်ႇဢွၵ်ႇၵႂႃႇတၢင်ႇမိူင်း ႁဵတ်းတႃႇပၢႆးမၢၵ်ႈမီးၵေႃႈမီးၼမ်ယူႇၶႃႈ.....

မိူင်းပိူၼ်ႈ/တၢင်ႇမိူင်း မိူင်းၶႄႇ မိူင်းဝဵတ်ႉၼၢမ်ႉ/ဢပီႇရၼမ်ႇ မိူင်းလၢဝ်း/လႃႇဢူဝ်ႇ မိူင်းထႆး မိူင်းတိတ်ႉပေႇ မိူင်းၵဝ်ႉလီ/ၵူဝ်းရီးယႃး မိူင်းၵျႃႇပၢၼ်ႇ မိူင်းႁူင်ႉၵုင်း/ႁွင်ႇၵွင်ႇ ၸိူဝ်းၼႆႉၵေႃႈ ပဵၼ်တီႈဢၼ် ၽုၵ်ႇတူၼ်ႈၼဵင်ႈၼမ် ၵႃႉၶၢႆဢွၵ်ႇၼွၵ်ႈမိူင်းယူႇၶႃႈ။

ၼဵင်ႈၼႆႉ ဢဝ်ႁဵတ်းၽၵ်း ဢဝ်ႁဵတ်းတၢင်းၵိၼ် ဢဝ်ႁဵတ်းယႃႈယႃ တႃႇပၢႆးယူႇလီ လႄႈ ပဵၼ်ၼမ်ႉၼဵင်ႈတီႈဢၼ် ၵိၼ်တႃႇၼ်ႂးၼႃႈႁိူၼ်း ပဵၼ်ၼမ်ႉၼဵင်ႈႁပ်ႉတွၼ်ะၶႅၵ်ႇ ပဵၼ်ၼဵင်ႈႁႅင်ႈၶူဝ်းၶွင်ၾၢၵ်ႇ ၸိူဝ်းၼႆႉယူႇၶႃႈ။