ၶူမ်သၢမ်လွႆ ယႃႈယႃၼၢဝ် ယႃလူတ်းႁွၼ်ႉၼႂ်း မႆႈၼႂ်း

ၸိုဝ်ႈၽႃႇသႃႇၵႂၢမ်းတႆး ၊ ၶုမ်သၢမ်လွႆ

ၸိုဝ်ႈၽၢႆႇၶူၼ်ႉၶႂႃႉၶဝ်ႁွင်ႉ ၊ Andrographis paniculata (Burm.f.) Nees

ပဵၼ်တူၼ်ႈယႃႈယႃဢၼ်ၽၢႆႇပၢႆးယူႇလီၶဝ်ႁပ်ႉႁွင်း ပဵၼ််ယႃႈယႃပႃးၼိုင်ႈ ၊ ၶူမ်သၢမ်လွႆ ၼႂ်းၽႃႇသႃႇတႆးႁဝ်းတေႉၵိုင်ႇၸိုဝ်ႈမၼ်းလီၼႃႇ ၶူမ်ၼင်ႇၵႃႈၶူမ် မႃးၶွၼ်ႈၵၼ်ဝႆႉတီႈၶူမ်သၢမ်လွႆၼႆႉမူတ်းယဝ်ႉ။

ၶူမ်သၢမ်လွႆ ၽႃႇသႃႇတႆး ၶူမ်သၢမ်လွႆ

တူၼ်ႈမႆႉ တူၼ်ႈတွၵ်ႇ မွၵ်ႇ မၢၵ်ႇ ႁၢၵ်ႈ ႁူဝ် ယိူဝ်ႈ ယႃႈ ဢၼ်ဢွၵ်ႇၸွမ်းသၽႃႇဝ ၶဝ်ႈတၢင်းတိုဝ်း ပဵၼ်ယႃႈယႃလီၶႃႈ  တူၼ်ႈယႃႈ ၶူမ်သၢမ်လွႆ ဢွၵ်ႇၸွမ်းသၽႃႇဝ တူၼ်ႈတေ ဢူၼ်ႈဢွၼ်ႇ သီၶဵဝ် မ်ႂသဵမ်ႈ ယၢဝ်းၼိူင်ႈၸွမ်း ၵၢၼ်ႈတေပဵၼ်ပွင်ႈ ႁၢမ်ႉဢွၵ်ႇသီႇၸဵင်ႇ တေမီးၶေႃႈ တီႈငဝ်ႈမ်ႂဢွၵ်ႇသီလႅင်ဢိတ်း" တေသုင်1/5သွၵ်ႇ မွၵ်ႇဢွၵ်ႇသီၵမ်ႇ မၢၵ်ႇတေယဝ်း 1ႁၵ်းမိုဝ်းၶိုင်ႈ မၢၵ်ႇၼုမ်ႇသီၶဵဝ် ပေႃးမၢၵ်ႇၵႄႇမႃး တေပိၼ်ႇသီ ပဵၼ်သီၼမ်ႉထၢၼ်/လမ် ၽုၵ်ႇဝႆႉၼ်ႂးသူၼ်ၵေႃႈလႆႈ မိူင်းတႆးႁဝ်းၶႃႈ မီးၼမ်တေႉ တူၼ်ႈၶူမ်သၢမ်လွႆ တေမီး ဢရသႃႇ ၶူမ်ၵိၵ်း ပဵၼ်ယႃႈယႃလီပႃးၼိုင်ႈ။

လၢႆးၸ်ႂႉတိုဝ်း

ထူၺ်ႈဢဝ်မႃးတင်းတူၼ်ႈ တူမ်ႈၶိူဝ်ႇ/ၵိၼ်ၼမ်ႉမၼ်း ဢမ်ႇၼၼ် တၢၵ်ႇႁႅင်ႈ တမ်ႁဵတ်းၽွင်ဝႆႉၼ်ႂးတိင်ႇ ၼႂ်းတဝ်ႈပလႅင်း တဝ်ႈၵေႃႇ သေၵႅပ်းဝႆႉၵိၼ်

• 1.တေၸွႆႈမေးပၼ် ထၢတ်ႈမႆႈ ထၢတ်ႈၵတ်း ၼႂ်းတူဝ်ႁ်ႂႈၽဵင်ႇ
• 2.တေၸွႆႈလၢင်ႉပၼ် ၵွင်ႉၼ်ႂးတူဝ် ႁူင်းၶဝ်ႈ လမ်းသႆႈ တွင်ႉၸဵပ်း လိူတ်ႈၶိုၼ်ႈ(ေသြးတိုး) ယဵဝ်ႈဝၢၼ်(ဆီးခ်ိဳ)ၶႃႈ
• 3.တေၸွႆႈလၢင်ႉပၼ် ၸိူဝ်ႉမႅင်း ယွမ်းလူင်း
• 4. တေၸွႆႈ ၵမ်ႉထႅမ် ႁႅင်းၵမ်ႉတူဝ်
• 5. တေၸွႆႈႁ်ႂႈယွမ်းလူင်း ၵၢၼ်တိတ်းၸိူဝ်ႉ "ဝႆရတ်း virus
• 6.တေၸွႆႈ ႁေႉၵင်ႈပၼ် တၢင်းပဵၼ် ၼၢဝ်ၼူၵ်ႉ ၼိူဝ်ႉမႆႈ ဢႆ ၶေႃးၸဵပ်း  သဵင်ႁၢပ်ႇ/ႁႅပ်ႇ ႁူဝ်ၶႆႈ  ၸိူဝ်းၼႆႉၶႃႈ

လၢႆးၵိၼ်ယႃႈယႃၶူမ်သၢမ်လွႆ

• ဢဝ်ယႃၶူမ်သၢမ်လွႆၶိူတ်ႈတမ်ပဵၼ်ၽွင်သေသႂ်ႇလွတ်ႇ 500 mg - 2 g ၵိၼ်ပၼ်ၼိုင်ႈသၼ်း 4 ပွၵ်ႈ ၵိၼ်ပၼ်ဝၢႆးၵိၼ်ၶဝ်ႈ ယၢမ်းၸဝ်ႉ ၊ ယၢမ်းတဵင်ႈ ၊ ယၢမ်းႁူဝ်ၶမ်ႈ ၊ လႄႈ ယၢမ်းမိူဝ်ႈတေၶဝ်ႈၼွၼ်း
• ထုၵ်ႇလီလႆႁပ်ႉသၢၼ်ၼႂ်းၼိုင်ႈဝၼ်း Andrographolide တီႈ 60 mg ၵႃႈၼၼ်ႉၵူၺ်း
• တေလႆႈၵိၼ်ပၼ်တၢင်းႁိုင် 3-5 ဝၼ်း
• ပေႃးဝႃႈၵိၼ်ယႃၶူမ်းသၢမ်လွႆၼႆႉၶၢဝ်းတၢင်းႁိုင်ထိုင် 5 ဝၼ်းလႄႈဢမ်ႇၶႅၼ်းမႃးၸိုင် ႁႂ်ႈၵႂႃႇၸူးမေႃယႃ

ၶေႃႈၾၢင်ႉ

• ၵူၼ်းၸိူဝ်းမီးတၢင်းပဵၼ်ႁႅင်းလိူတ်ႈတႅမ်ႇ ၊ တပ်း တႆ ဢမ်ႇလီ (ဢမ်ႇထုၵ်ႇလီၸႂ်ႉတိုဝ်းၶႃလူမ်သၢမ်လွႆ)
• ၵူၼ်းယိင်းတူဝ်လူင်ပႃးတွင်ႉ ၊ မႄႈလုၵ်ႈဢွၼ်ႇဢၼ်တိုၵ်ႉမီီးလုၵ်ႈၵိၼ်ၼူမ်း (ၵိၼ်ယႃၼႆႉဢမ်ႇလႆႈ)
• ဢမ်ႇထုၵ်ႇလီၸႂ်ႉယႃၼႆႉၼႂ်းၵူၼ်းၸိူဝ်းလိူတ်ႈလူမ်းဢမ်ႇထူၵ်ႇၸွမ်းယႃၶူမ်သၢမ်လွႆၼႆႉ သင်ဝႃႈမီးၽိုၼ်ႇဢွၵ်ႇၸွမ်းတူဝ် ၊ ၼႃႈတူၺ်ႇ ၊ တႃတူၺ်ႇ ၊ သီသူပ်းတူၺ်ႇ
• ဢမ်ႇထုၵ်ႇလီၵိၼ်ယႃၶူမ်သၢမ်လွႆၼႆႉႁိုင်ပူၼ်ႉ 7 ဝၼ်း
• ပေႃးဢမ်ႇမီးတၢင်းပဵၼ် ၼၢဝ် ဢမ်ႇထုၵ်ႇလီၵိၼ်

တီႈဢၢင်ႈဢိင်

• med.mahidol.ac.th
• dtam.moph.go.th
• nci.go.th
• si.mahidol.ac.th
• vichaivej-nongkhaem.com