ၾိင်ႈတႆးတၢင်ႇၸိုဝ်ႈလုၵ်ႈလၢၼ် ၸွမ်းတူဝ် ဢၵ်ၶရႃႇ မႄႈလိၵ်ႈတႆး 19 တူဝ်
ၸွမ်းၼင်ႇၾိင်ႈထုင်းၵဝ်ႇတႆးႁဝ်း ဢၼ်ပူႇမွၼ်ႇၼၢႆးယႃႈႁဝ်းၶဝ်ဢွၼ်ႁဵတ်းမႃးဝႆႉၼၼ်ႉသေ ဢဝ်တူဝ်မႄႈ လိၵ်ႈတႆးႁဵတ်းပိူင်တမ်းသေ ၶပ်ႉၸွမ်းလုၵ်ႈဝၼ်း 7 လုၵ်ႈဝၼ်းသေမိူၼၼင်ႇ>>>
ၵ ၶ င ၸ သ ၺ တ ထ ၼ ပ ၽ ၾ မ ယ လ ရ ဝ ႁ ဢ
ယိင်းတူဝ်ပၢႆ ၸၢႆးတူဝ်ငဝ်ႈၼႆသေ တၢင်ႇၸွမ်းလၵ်းၸဵင် 7 လုၵ်ႈဝၼ်း မိူၼ်ၼင်ႇ
- ဝၼ်းဢႃတိတ်ႉ
- ဝၼ်းၸၼ်
- ဝၼ်းဢၢင်းၵၢၼ်း
- ဝၼ်းၿုတ်ႉ
- ဝၼ်းၿုတ်ႉၵၢင်ၶိုၼ်း (ဝၼ်းရႃႇႁူႉ)
- ဝၼ်းၽတ်း
- ဝၼ်းသုၵ်း
- ဝၼ်းသဝ်
ပိူင်လၢႆးၽေ တူဝ်ဢၵ်ၶရႃႇ တူဝ်မႄႈလိၵ်ႈတႆး ၸွမ်းလၵ်းၸဵင်ဝၼ်းမိူၼ်ၼင်ႇ>>>
- ဝၼ်းဢႃးတိတ်ႉ......................................= ဢ
- ဝၼ်းၸၼ်..............................................= ၵ + ၶ + င
- ဝၼ်းဢၢငးၵၢၼ်း...................................= ၸ + ၺ
- ဝၼ်းၿုတ်ႉ ........................................... = ယ + လ + ရ + ဝ
- ဝၼ်းၿုတ်ႉၵၢင်ၶိုၼ်း ( ဝၼ်းရႃႉႁူႉ )...= ယ
- ဝၼ်းၽတ်း............................................= ပ + ၽ + ၾ + မ
- ဝၼ်းသုၵ်း..............................................= သ + ႁ
- ဝၼ်းသဝ်...............................................= တ + ထ + ၼ
ပိူင်တႅၵ်ႈ = ပေႃးပဵၼ်လုၵ်ႇဢွၼ်ႇၸၢႆး လုၵ်ႈဢွၼ်ႇယိင်း ဢၼ်ၵိူတႇၺႃးၼႂ်းလုၵ်ႈဝၼ်းလဵဝ်ၵၼ်မိူၼ်ၼင်ႇဝၼ်းၸၼ် မိူၼ်ၵၼ်ၸိူင်ႉၼင်ႇပေႃးပဵၼ်ၵူၼ်းၸၢႆးႁႂ်ႈဢဝ်တူဝ်ဢၵ်ႉၶရႃႇ တူဝ် ၵ+ ၶ+ င ၼၼ်ႉတေႇငဝ်ႈသေတၢင်ႇၵႂႃႇ>>>
( ၵူၼ်းၸၢႆး - တူဝ်ငဝ်ႈ)
ၵ = ၵွၼ်ၶိူဝ်း ၊ ၵွၼ်းသႅင် ၊ ၵမ်ႉၶိူဝ်း ၊
ၶ = ၶိူဝ်းလိူၼ် ၊ ၶိူဝ်းသႅင် ၊
င = ငူၼ်ႉသႅင် ၊ ငူဝ်ႉႁၢၼ်ႇ > ၸႃႉၵႂႃႇ
ပေႃးပဵၼ်ၵူၼ်းယိင်းသမ်ႉ ဢဝ်တူဝ်ဢၵ်ႉၶရႃႇ တူဝ် ၵ + ၶ + င ၼၼ်ႉဝႆႉပၢႆၸိုဝ်ႈသေတၢင်ႇၵႂႃႇၸိူင်ႉၼင်ႇ>>>
( ၵူၼ်းယိင်း - တူဝ်ပၢႆ)
ၵ = မွၵ်ႇၵွၼ် ၊ မွၼ်းၵဵင် ၊ ၶမ်းၵူႇ
ၶ = ၸၢမ်ၶမ်း ၊ ၸၢမ်ၶိူဝ်း ၊ မွၼ်းၶမ်း ၊ မွၼ်းၶိူဝ်း
င = မွၵ်ႇမူၺ်ငိုၼ်း ၊ ယွတ်ႈငိုၼ်း ၊ ႁွမ်ငိုၼ်း ၊ ၽူၺ်းငိုၼ်း
ၸိုဝ်ႈဢၼ်ယူႇသုင်ၼိူဝ်တွင်ႉၾႃႉ>>>
ဝၼ်း ၊ လိူၼ် ၊ လဝ် ၊ ၾႃႉ
သၢႆဝၼ်း ၊ သၢႆလိူၼ် ၊ သၢႆလၢဝ် ၊ သၢႆၾႃႉ ၊ လၢဝ်ပိူင်း ၊ လိူၼ်လႅင်း ၊ လၢဝ်လႅင်း ၊ ဝၼ်းလႅင်း
ၸိုဝ်ႈမဵဝ်းဢၼ်ယူႇတၢင်းတႂ်ႈသေတိုင်ႈၶိုၼ်ႈတၢင်းၼိူဝ်>>>
ယွတ်ႈ ၊ ၽူၺ်း ၊ ၸွမ် ၊ ၵွၼ်
ယွတ်ႈၶိူဝ်း ၊ ၶိူဝ်းယွတ်ႈ ၊ ၽူၺ်းလႅင်း ၊ ၸွမ်လႅင်း ၊ ၵွၼ်လႅင်း
ၸိုဝ်ႈဢၼ်ပိုတ်ႇပၢင်ႇ>>>
ပိူင်း ၊ လႅင်း ၊ ပၢင်ႇ ၊ သႂ် ၊ မႂ်ႇ
လႅင်းသႂ် ၊ သၢႆလႅင်း ၊ လႅင်းပိူင်း ၊ ပိူင်းလႅင်း ၊ ငဝ်းလႅင်း
ၸိုဝ်ႈဢၼ်ၸၼ်ၸႂ် ၵမ်ႈၼမ်ပဵၼ်ၸိုဝ်ႈၼၢင်းယိင်း>>>
မွၼ်း ၊ ႁွမ် ၊ ၼူၼ်း ၊ ငိုၼ်း ၊ ဢွမ် ၊ ၵဵင် ၊ ပဝ်း ၊ ၸၢမ် ၊ ၶိူဝ်း ၊ ယုမ်ႉ ၊ ဝၢၼ်
မွၼ်းၶိူဝ်း ၊ မွၼ်းၶမ်း ၊ မွၼ်းသႅင် ၊ မွၼ်းလိူၼ် ၊ မွၼ်းလၢဝ် ၊
ႁွမ်ငိုၼ်း ၊ ႁွမ်ၶိူဝ်း ၊ ႁွမ်လႅင်း ၊ ႁွမ်းၼူၼ်း ၊
ၼူၼ်းႁွမ် ၊ ၼူၼ်းၶမ်း ၊ ၶိူဝ်းၶမ်း ၊ ယုမ်ႉၶိူဝ်း ၊
ငိုၼ်းႁွမ် ၊ ဢွမ်လႅင်း ၊ ၵဵင်ၶမ်း ၊ ပဝ်းႁွမ် ၊ ၸၢမ်ၶမ်း ၊ ၸၢမ်ႁွမ် ၊
ၸိုဝ်ႈဢၼ်တၢင်ႇၸွမ်းၶွင်မီးၵႃႈၶၼ်>>>
သႅင် ၊ ၶမ်း ၊ ငိုၼ်း
သႅင်ႁွမ် ၊ သႅင်ၸၢမ်ႇ ၊ သႅင်ၶမ်း ၊
ၶမ်းၸၢမ်ႇ ၊ ၶမ်းႁွမ် ၊ ၶမ်းၶိူဝ်း ၊
ငိုၼ်းႁွမ် ၊
ၸိုဝ်ႈဢၼ်တၢင်ႇၸွမ်းငဝ်းလၢႆး ၽွင်းမိူဝ်ႈလုၵ်ႈဢွၼ်ႇၵိူတ်ႇမႃးသေဢမ်ႇယူႇလီ ပေႃႈမႄႈမၢင်ၵေႃႉလႆႈဢဝ်လုၵ်ႈဢွၼ်ႇၵႂႃႇလူႇတီႈဝတ်ႉၵျွင်း ပေႃႈမႄႈၵမ်ႈၽွင်ႈဢဝ်လုၵ်ႈဢွၼ်ႇၶဝ်ယုၵ်ႉဢၢပ်ႈပၼ်ပိူၼ်ႈသေၶိုၼ်းဢဝ်ငိုၼ်းသိုဝ်ႉဢဝ်သေတၢင်ႇၸိုဝ်ႈၸွမ်းမိူၼ်ၸိူင်ႉၼင်ႇ>>>
လူႇ ၊ ထုၼ်းလူႇ ၊ ငိုၼ်းလူႇ ၊ ၸၢႆးလူႇ ၊ ၼၢင်းလူႇ
သိုဝ်ႉ ၊ မၢတ်ႈ ၊ မူး ၊ ၸွႆႉ ၊ ၵူမ်း ၊ ၶမ်းမၢတ်ႈ ၊ ၶမ်းသိုဝ်ႉ ၊ မၢတ်ႈသိုဝ်ႉ
ဢၢႆႈသိုဝ်ႉ ၊ ဢေးသိုဝ်ႉ ၊ ဢၢႆႈမၢတ်ႈ ၊ ဢေးမၢတ်ႈ ၊ ဢၢႆႈမူး ၊ ဢေးမူး ၊ ဢၢႆႈၸွႆႉ ၊ ဢၢႆႈၵူမ်း
ၸိုဝ်ႈဢၼ်တၢင်ႇၸွမ်း ပေႃးၵိူတ်ႇၺႃးဝၼ်းဝၼ်းၽိတ်ႈ လိူၼ်မူၼ်း လိူၼ်မႂ်ႇ>>>
ၽိတ်ႈ ၊ မူၼ်း ၊ မႂ်ႇ
ၸိုဝ်ႈတႆးႁဝ်းၼႆႉဢၼ်ႇတၢင်ႇၸိုဝ်ႈၸွမ်း ၸိုဝ်းတူဝ်သတ်းၼၼ်ႉဢမ်ႇမီး
ၸိုဝ်ႈဢၼ်လႅၵ်ႈလၢႆႈၸွမ်းၼႃႈၵၢၼ်တႃႇၼတၢင်းလီ လႄႈ လွင်ႈလူႇတၢၼ်း>>>
ၵူၼ်းၸၢႆး
သင်ဝႃႈလႆႈၼုင်ႈသၢင်ႇ ပဵၼ်ၸဝ်ႈသၢင်ႇသႃမၼေလ်ႇၸိုင်ႇတၢင်းၸဝ်ႈသင်ႇၶႃႇၶဝ်တေမေးတၢင်ႇပၼ်ၸိုဝ်ႈမႂ်ႇပဵၼ်ၸိုဝ်ႈပႃႇလိယူႇယဝ်ႉ ၊ သင်ဝႃႈၸဝ်ႈသၢင်ႇၼၼ်ႇထၢၵ်ႈလူင်းၵျွင်းမႃးယဝ်ႉ ၸိုဝ်ႈမိူဝ်ႈပဵၼ်ၸဝ်ႈသၢင်ႈၼၼ်ႇၸပ်းႁေၵေႃႈယဝ်ႉဢမ်ႇၸပ်းၵေႃႈယဝ်ႉ ပေႃႈမႄႈပီႈၼွင်ႉႁဝ်းၶဝ်တေႁွင်ႉႁဝ်းဝႃႈ ဢၢႆႈသၢင်ႇ လၢၼ်သၢင်ႇ ၼႆယဝ်ႉ။
သင်ဝႃႈဝၼ်းၼိုင်ႈမႃး ႁဝ်းဢဝ်လုၵ်ႈပိူၼ်ႈ ဢမ်ႇၼၼ် လုၵ်ႈပီႈပႃႈၼႃႉဢႃ ႁဝ်းၶၢမ်ႇသၢင်ႇၸိုင် ပီႈပီႈၼွင်ႉၼွင်ႉႁဝ်းၶဝ်တေႁွင်ႉႁဝ်းဝႃႈ ပေႃႈသၢင်ႇ ၊ မႄႈသၢင်ႇ+ၸိုဝ်ႈႁဝ်း မိူၼ်ၼင်ႇႁဝ်းၸိုဝ်ႈ ၸၢႆးသူ ၼၢင်းသႅင် ၵေႃႈတေပဵၼ်မႃး ပေႃႈသၢင်ႇသူႉ မႄႈသၢင်ႇသႅင် ၼႆယဝ်ႉ
သင်ဝႃႈႁဝ်းလႆႈၶၢမ်ႇၸၢင်းၵေႃႈ တူဝ်ၼၢမ်ႇၸိုဝ်ႈႁဝ်းတေလႅၵ်ႈလၢႆႈၵႂႃႇၸွမ်းၼႃႈၵၢၼ်တႃႇၼႁဝ်းၼၼ်ႉယဝ်ႉ မိူၼ်ၼင်ႇ လုင်းသူႉ ပႃႈသႅင် ၵေႃႈတေႁွင်ႉဝႃႈ လုင်းၸၢင်းသူႉ ပႃႈၸၢင်းသႅင် ၼႆယဝ်ႉ။
သင်ဝႃႈႁဝ်းလႆႈယေႃးမုၼ်ပေႃးၼႆ ႁဝ်းၵေႃႈတေလႆႈၸိုဝ်ႈၸွမ်းဝႃႈ ပူႇမုၼ်သူႉ ၼၢႆးမုၼ်သႅင်ၼႆယဝ်ႉ
ပေႃးဝႃႈႁဝ်းလႆႈလူႇၵျွင်း လူႇၸလွပ်ႈ ၵေႃးႁဝ်းတေလႆႈၸိုဝ်ႈဝႃႈ ပူႇၵျွင်းသူႉ ၼၢႆးၵျွင်းသႅင် ပူႇၸလွပ်ႈ ၼၢႆးၸလွပ်ႈ ၼႆယဝ်ႉ
လွင်ႈၸိူဝ်းၼႆႉမၼ်းပဵၼ်ၾိင်ႈႁွင်ႉၸိုဝ်းသဵင် ၸွမ်းၼႃႈၵၢၼ်တႃႇၼ တၢင်းလီႁဝ်းဢၼ်လႆႈႁဵတ်းသၢင်ႈၸိူဝ်းၼၼ်ႉယဝ်ႉ။
မၢင်ၸိူဝ်းၵေႃႈဢဝ်ၸိုဝ်ႈပေႃႈ ၸိုဝ်ႈမႄႈ ႁူမ်ႈလေႃးၵၼ်သေတၢင်ႇပၼ်ၸိုဝ်ႈလုၵ်ႈဢွၼ်ႇၶဝ်ၵေႃႈမီး ၊ မၢင်ၸိူဝ်းၵေႃႈတၢင်ႇၸိုဝ်ႈလုၵ်ႈလၢၼ်ၸွမ်သၢႆၸိူဝ်ႉၶိူဝ်းႁိူၼ်းၽႂ်မၼ်းၵေႃႈမီး ၊မၢင်ၸိူဝ်းၵေႃႈတၢင်ႇၸိုဝ်ႈလုၵ်ႈ လၢၼ် ၸွမ်းတၢင်းလွင်ႈယုမ်ႇယမ်ၵေႃႈမီးယူႇ။
Baht Exchange Rate
