ဝၼ်းထီႉ2 လိူၼ် May 1962 ဢူးၼေႇဝိၼ်းသိမ်းဢၼႃႇ

 

ဝၼ်းထီႉ2 လိူၼ် May 1962 ဢူးၼေႇဝိၼ်းသိမ်းဢၼႃႇ လူင်ပွင်ၸိုင်ႈဢူးၼူႉ

ဝၢႆးသေမိူင်းမၢၼ်ႈလႆႈႁပ်ႉလွင်ႈလွတ်ႈလႅဝ်းၵွၼ်းၶေႃတီႈၶုၼ်ဢင်းၵိတ်ႉ မိူဝ်ႈလိူၼ် January 1948 ၼႂ်းမိူင်းမၢၼ်ႈပတ်းပိုၼ်ႉတၢင်းမိူင်းမီးလွင်ႈသုၵ်ႉယုင်ႈဢူၼ်ၵဝ်းပေႃးၸွတ်ႈၵူႈၸွၵ်ႉ မိူဝ်ႈၽူႈဢွၼ်ႁူဝ်မိူင်းမၢၼ်ႈ ထုၵ်ႇၺႃးလၵ်ႉယိုဝ်းၶႃႈႁႅမ်တၢႆ ဢူးၼူႉလႆႈၶိုၼ်ႈပဵၼ်ၽူႈဢွၼ်ႁူဝ် ပႃႇတီႇ Anti-Fascist People's Freedom League  (AFOFL) တႅၼ်း ၽွင်ႈလုၵ်ႈၸုမ်းၼႂ်းပႃႇတီႇၵေႃႈတႅၵ်ႇယၢႆႈၵၼ် တၢင်းၵၢၼ်မိူင်း လႄႈ ၸုမ်းၸၢဝ်းၶိူဝ်း

သမ်ႉဝႃႈဢူးၼူႉ လႆႈႁပ်ႉလွင်ႈဝႆႉဝၢင်းၸႂ် တီႈၵူၼ်းမိူင်းယူႇသေတႃႉ တႃႇဢဝ်ပုၼ်ႈၽွၼ်းႁၢပ်ႇၼႃႈၵၢၼ်လူင် ၼႆႉဢမ်ႇငၢႆႈ ၵွပ်ႈပိူဝ်ႈၵူၼ်းႁဵတ်းၵၢၼ်လုမ်းၶဝ်ဢမ်ႇႁူမ်ႈမိုဝ်းႁဵတ်းၸွမ်း ၵူႈၽၢႆႇၵူႈတၢင်းမီးလွင်ႈဝႃႈၼႆ

ၽၢႆႇတပ်ႉသိုၵ်းၵေႃႈမိူဝ်ႈလႆႈၶိုၼ်းမေးၶွတ်ႇၽွတ်ႈတမ်းဝၢင်းပိူင်မႂ်ႇ ဝၢႆးလင်သိုၵ်းၵၢင်မိူင်းယဝ်ႉ လိူၵ်ႈဢဝ်ၵူၼ်းသိုၵ်းၸၢဝ်းၶိူဝ်းဢၼ်ႁူမ်ႈပွင်းၵၼ်သေတေႃႇသူႈၽူႈၶႂၢၵ်ႈမိူင်းၽွင်းၵျႃႇပၢၼ်ႇလႄႈဢင်ၵိတ်ႉၶဝ်ႈမိူင်းၼၼ်ႉႁဵတ်းႁႂ်ႈတပ်ႉသိုၵ်းမၢၼ်ႈၵႅၼ်ႇၶႅင်ႇ မိူဝ်ႈၽွင်းပီႊ 1958 ဢၼ်ဢမ်ႇၸႂ်ႈမၢၼ်ႈ ၼၼ်ႉဢွၵ်ႇၶိုၼ်း

မိူဝ်ႈၽွင်းၼၼ်ႉၼင်ႇၵဝ်ႇ ၸွမ်ၸိုင်ႈဢူးၼူႉ လႄႈလူင်ပွင်ၸိုင်ႈ ဢမ်ႇၵုမ်းၵမ်လွင်ႈၼိမ်းသဝ်းၼႂ်းမိူင်းလႆႈလႄႈ ဢူးၼူႉၸင်ႇယွၼ်းႁႂ်ၸွမ်သိုၵ်းလူင်ၼေႇဝိၼ်း  ၵုမ်းꩪိင်းဝၢၼ်ႈမိူင်းယူႇယဝ်ႉ လႄႈၼေႇဝိၼ်းပဵၼ်ၸွမ်ၸိုင်ႈတၢင်းႁိုင် ႒ ပီႊ ဝၢႆးလင်မႃးၵေႃႈလႆႈၸတ်းႁဵတ်းပၢင်လိူၵ်ႈတင်ႈ တွတ်ႈၶႅပ်းၵၢင်ၸႂ် မိူဝ်ႈပီႊ 1960 ဢူးၼူႉပေႉပၢင်လိူၵ်ႈတင်ႈသေလႆႈၶဝ်ႈပဵၼ်ၸွမ်ၸိုင်ႈၶိုၼ်းထႅင်ႈပွၵ်ႈၼိုင်ႈ။

ၸိူင်ႉႁိုဝ်ၵေႃႈလီ မိူဝ်ႈဝၼ်းထီႉ 2 လိူၼ် March 1962 ၼၼ်ႉၸွမ်သိုၵ်းၼေႇဝိၼ်း လႆဢွၼ်ဢဝ်လုၵ်ႈသိုၵ်းတၢင်းၼမ်သေ သိမ်းဢၼႃႇ ၶွင်လူင်ပွင်ၸိုင်ႈဢူးၼူႉ ဢၼ်ပေႉပၢင်တွတ်ႈၶႅပ်းၵၢင်ၸႂ် (လိူၵ်ႈတင်ႈ) သေ ၶဝ်ႈမႃးပဵၼ်လူင်ပွင်ၸိုင်ႈ။

ဝၢႆးၼေႇဝိၼ်းသိမ်းဢၼႃႇယဝ်ႉ သိၵ်ႇယႃႉပႅတ်ႈပိူင်ငဝ်ႈပိုင်းမိူင်း ပိူင်ဢုပ်ႉပိူင်ႇဝၢၼ်မိူင်း ပိူင်းလၵ်းမိူင်း တၢင်းသဵင်ႈ သေ ၶွတ်ႇၽွတ်ႈလူင်ပွင်ၸိုင်ႈမႂ်ႇ သေဢဝ်ၵူၼ်းသိုၵ်းၵုမ်းၵမ်ႁွင်ႈၵၢၼ်လူင်ၵူႈႁွင်ႈၵၢၼ်လႄႈၽၢႆဢုပ်ႉပိူင်ႇတၢင်းမူတ်း 

ဝၢႆးလင်မႃးၵေႃႈႁုပ်ႈသိမ်းပႅတ်ႈငိုၼ်း မၢင် ၸဵတ်းၶၼ်ႁႃႈ 75  လႄႈ မၢင်ၶႅပ်းၸွႆႉ100 မိူဝ်ႈၽွင်းပီႊ 1985 သေ ၼေႇဝိၼ်းလႆႈႁဵတ်းႁႂ်ႈၵူၼ်းမိူင်းမၢၼ်ႈၵွတ်းၽၢၼ် လႄႈ ပဵၼ်မိူင်းဢၼ်ၵွတ်းၽၢၼ်မိူင်းၼိုင်ႈၼႂ်းၵမ်ႇၽႃႇၼႆယဝ်ႉ။

သမ်ႉဝႃႈၸုမ်းသိုၵ်းၼေႇဝိၼ်းၶဝ်သိမ်းဢၼႃႇသေၵုမ်းထိင်းဝၢၼ်းမိူင်းလႆႈဢွင်ႇမၢၼ် ထိုင် ႓ ၸူဝ်ႈပၢၼ်ၼႆသေတႃႉၵူၺ်းၵႃႈၵၢၼ်မၢၵ်ႈမီးၼႂ်းမိူင်းမၢၼ်ႈတေႉတူၵ်းတႅမ်ႇလိူဝ်ႁႅင်း ၶူဝ်းၶွင်ၶဝ်ႈၼမ်ႉတၢင်းၵိၼ်ဢၼ်ဢွၵ်ႇၼႂ်းမိူင်းၵေႃႈတေႃႉတႄႉပေႃးၵုမ်ႇလူမ်ႈတႃႇၼႂ်းမိူင်းၵူၺ်း ဢမ်ႇမီးသင်ဢၼ်လႆႈသူင်ႇဢွၵ်ႇၶၢႆၼွၵ်ႈမိူင်း ပေႃးဢမ်ႇမီးငိုၼ်းၵႃႉၶၢႆတေႃႇၼွၵ်ႈမိူင်းၵေႃႈဢမ်ႇမီးသိုဝ်ႉၶူဝ်းၶွင်ၼွၵ်ႈမိူင်းၶဝ်ႈမိူဝ်းလဵင်ႉလူၵူၼ်းမိူင်းလႄႈ ပဵၼ်မိူင်းဢၼ်ၵွတ်းၽၢၼ်တေႉမိူင်းၼိုင်ႈၼႂ်းၵမ်ႇၽႃႇၼႆယဝ်ႉ။