လွႆၶျူဝ်ႊၵူဝ်ႊလႅတ်ႉ(Chocolate Hills)

လွႆၶျူဝ်ႊၵူဝ်ႊလႅတ်ႉ(Chocolate Hills)

လွႆၶျူဝ်ႊၵူဝ်ႊလႅတ်ႉႁိလ်းသ် ၼႆႉမီးၼႂ်းမိူင်းၽီလိပ်ပိၼ်း Pilippines ပဵၼ်လွႆဢၼ်မီးၽၢင်ႁၢင်ႈမိူၼ်မိူၼ်ၵၼ် တီႈၼိူဝ်ၵုၼ် ပူဝ်ႊႁေႃးလ် ဢၼ်မီးဝႆႉယူႇတၢင်းပွတ်းၸၢၼ်း ဝဵင်းငဝ်းၸိုင်ႈ မႃၼိလႃႇ ၸိုင်ႈမိူင်း ၽီလိပ်းပိၼ်းသ်ၼႆၶႃႈ

လွႆဢၼ်မီးယူႇၼိူဝ်ၵုၼ် ပူဝ်ႊႁေႃးလ် ၼႆႉပဵၼ်မႃးၸွမ်းသၽႃႇဝသေ တၢင်းၼမ်မီးထိုင် 1,268 လုၵ်ႈၼႆယဝ်ႉ ၊ လွႆတၢင်းမူတ်းၼႆႉ ပေႃးၶၢဝ်းႁိုဝ်ႉၶၢဝ်းၽူၼ် ၵေႃႈတေပဵၼ်သီၶဵဝ် ပေႃးပဵၼ်ၶၢဝ်းႁႅင်ႈၵေႃႈတေပဵၼ်သီလိူင် လႄႈ သီၶမ်းၼႆယဝ်ႉ။

လွင်ႈပဵၼ်မႃးၶွင်လွႆၼႆႉပီးပိုၼ်းဝႆႉဝႃႈ မီးၽီလူးလူင်သွင်တူဝ် ၽီလူးသွင်တူဝ်ၼႆႉ ၵႆႉၵႆႉၽိတ်းမေႃးၵၼ် ၵူႈဝၼ်းလႄႈ ပေႃးၸႂ်လမ်တေႃႇၵၼ်မႃးၵေႃႈဢဝ်မၢၵ်ႇၵွၼ်ႈႁိၼ်ၽၢတ်ႇသႂ်ႇၵၼ်ႁဵတ်းၼၼ်ႉတႃႇသေႇဝႃႈၼႆ သမ်ႉဝႃႈၶႃသွင်တူဝ်ၵႆႉၵႆႉၽိတ်းမေႃးထဵင်ၵၼ် ၸႂ်လမ်တေႃႇၵၼ်ယူႇတႃႇသေၵေႃႈၶႃသွင်တူဝ်ပဵၼ်ဢူၺ်းၵေႃႉၵၼ်လႆႉယူႇဝႃႈၼႆယဝ်ႉ။

ယူႇႁိုင်ၶၢဝ်းယၢဝ်းမႃး ၶႃသွင်တူဝ်ၵေႃႈပွင်ႇၸႂ်ၵၼ်သေ ဢမ်ႇၽိတ်းဢမ်ႇထဵင်ၵၼ် မိူၼ်ၼင်ႇဢၼ်ယၢမ်ႈပဵၼ်မႃး ၊ ၵူၺ်းၵႃႈသွင်ၶႃဢမ်ႇၽိတ်းမေႃးၵၼ်ယဝ်ႉသေတႃႉ မၢၵ်ႇၵွၼ်ႁိၼ်ဢၼ်သွင်ၶႃယၢမ်ႈဢဝ်ၽၢတ်ႇၵၼ်ၸိူဝ်းၼၼ်ႉ ၶႃဢမ်ႇၽဵဝ်ႈဢမ်ႇၵဵပ်းသေပွႆႇမၢၵ်ႇမိူဝ်ဝႆႉသေပဵၼ်လုၵ်ႈလွႆပေႃးမၢၵ်ႇပေႃးမိူဝ်မိူၼ်ၼင်ႇ ဢၼ်လႆႈႁၼ်ယူႇၼႆႉယဝ်ႉ။

မီးပိုၼ်းထႅင်ႈဢၼ်ၼိုင်ႈဝႃႈ မီးၽီလူးတူဝ်ၼိုင်ႈႁၵ်ႉမႅၼ်ႈယိင်းသၢဝ်ၵေႃႉၼိုင်ႈသေ ဝၢႆးမႃး ၵေႃႉပဵၼ်ယိင်းသၢဝ်ၼၼ်ႉသမ်ႉတၢႆၵႂႃႇလႄႈ ႁဵတ်းႁႂ်ၸဝ်ႈၽီလူးၼၼ်ႉ ၶီငဝ်မွင်ၸႂ် သေႁွင်ႉႁႆႈ သေဢဝ်ၼမ်ႉတႃမၼ်းယွႆႉယွတ်ႈတူၵ်းၸွမ်းလိၼ်သေဝၢႆးမႃးၵေႃႈယဵၼ်းပဵၼ်လွႆၸိူဝ်းၼႆႉဝႃႈၼႆယဝ်ႉ။

ၶဝ်ႈတူၺ်းဢွင်ႈတီႈ