ၶေႃႈႁၢမ်ႈၵူၼ်းမိူဝ်ႈၵွၼ်ႇ

ၶေႃႈႁၢမ်ႈၵႂၢမ်းၵူၼ်းမိူဝ်ႈၵွၼ်ႇလၢတ်ႈဝႆႉ

1.ယႃႇၼွၼ်းသေၵိၼ်ၶဝ်ႈ ၸၢင်ႈတၢႆပဵၼ်ငူး

ပေႃးဝႃၼွၼ်းသေၵိၼ်ၶဝ်ႈၼႆ ၶဝ်ႈတေဢမ်ႇၸၢင်ႈလူင်းတွင်ႉလႆႈလီလႄႈ ၸၢင်ႈႁဵတ်းႁႂ်ႈပဵၼ်ၸဵပ်းၼႂ်းလမ်းသႆႈၼႆလႄႈၸၢင်ႇမီးၶေႃႈႁၢမ်ႈဝႆႉၼင်ႇၼႆယဝ်ႉ။

2.ယႃႇၵႅတ်းၼဵပ်ႉတိၼ် ၼဵပ်ႉမိုဝ်းၵၢင်ၶိုၼ်း ၸၢင်ႈႁဵတ်းၵၢၼ်ဢမ်ႇၶိုၼ်ႈ

ပေႃးဝႃႈၵႅတ်းၼဵပ်ႉတိၼ်ၼဵပ်ႉမိုဝ်းၵၢင်ၶမ်ႈၵၢင်ၶိုၼ်းၼႆ ၵွပ်ႈလပ်းသိင်ႇသေဢမ်ႇႁၼ်တႃလီလႄႈၸၢင်ႈၵႅတ်းၺႃး ၼိူဝ်ႉၼႆယဝ်ႉ။

3.ၽီတၢၵ်ႇၽႃႈဢွမ်ႈ 

ပေႃးသၵ်ႉၶူဝ်း သၵ်ႉၽႃႈ တၢၵ်ႇၶူဝ်း တၢၵ်ႇၽႃႈၼႆ ႁႂ်ႈတၢၵ်ႇၽွင်းၵၢင်ဝၼ်းၵူၺ်း ပေႃးလုၵ်ႈဝၼ်းတူၵ်းယဝ်ႉ ႁႂ်ႈၵူႈဝႆႉ ယႃႇၵူႈၶူဝ်းၶမ်ႈ ၵွပ်ႈတေႁဵတ်းႁႂ်ႈၶူဝ်းၼၼ်ႉယိုၵ်းသေ သင်သိမ်းဝႆႉၵေႃႈၸၢင်ႈႁဵတ်းႁႂ်ႈၶူဝ်းၼၼ်ႉမဵၼ် သႃး ၼႆလႄႈ ၸင်ႇဝႃႈ ပေႃးၵၢင်ဝၼ်းတူၵ်းယဝ်ႉၽီၶဝ်တေတၢၵ်ႇၽႃႈဢွမ်ႈလုၵ်ႈလၢင်းၶဝ်ၼႆယဝ်ႉ။

4.ၵူၼ်းမၢၼ်းယႃႇဢၢပ်ႇၼမ်ႉၵၢင်ၶမ်ႈ

ပေႃးဝႃႈၵၢင်ၶမ်ႈၵၢင်ၶိုၼ်းၼႆႉ လပ်းသိင်ႇ ဢမ်ႇႁၼ်တႃလီလႄႈ သင်ဝႃႈမႄႈမၢၼ်းၶဝ်ဢၢပ်ႇၼမ်ႉၵၢင်ၶမ်ႈၵၢင်ၶိုၼ်းၼႆ ၸၢင်ႈပဵၼ်ၽေးလေႈ လုၵ်ႈဢွၼ်ႇၼႂ်းတွင်ႉၼၼ်ႉၸၢင်ႈတူၵ်းၼႆလႄႈၸင်ႇမီးၶေႃႈႁၢမ်ႈဝႆႉၼင်ႇယဝ်ႉ။

5.ၵူၼ်းမၢၼ်းယႃႇၵႂႃႇပၢင်မႃႇသႃႇ

ပေႃးဝႃႈၵူၼ်းပႃးတွင်ႉပုမ်လူင် ၵူၼ်းမၢၼ်းၼၼ်ႉၵႂႃႇပၢင်မႃႇသႃႇ ၽင်ၵူၼ်းတၢႆ ၽဝ်ၵူၼ်းတၢႆ ၼႆ ၵူဝ်ၽီၼႂ်းပႃႇႁဵဝ်ႈၼၼ်ႉမႃးၵိူတ်ႇၼႂ်းတွင်ႉမႄႈမၢၼ်းၼၼ်ႉၼႆ ၵူၼ်းမိူဝ်ႈၵွၼ်ႇၶဝ်ယုမ်ႇယမ်ၼင်ႇၼႆယဝ်ႉ။

6.ယႃႇလပ်ႉၽႃႉၵၢင်ၶမ်ႈ မေးၸၢင်ႈမီးၸူႉ ဢမ်ႇၼၼ်ၸၢင်ႈမီးၵူၼ်းတၢႆ

ပေႃးဝႃႈလပ်ႉၾႃႉၵၢင်ၶမ်ႈၵၢင်ၶိုၼ်းၼႆ ၵွပ်ႈလပ်းသိင်ႇဢမ်ႇႁၼ်တႃလီလႄႈၸၢင်ႈႁဵတ်းႁႂ်ႈၾႃႉတိူဝ်ႉမိုဝ်းၸၢင်ႈပဵၼ်ၽေး ၼႆလႄႈၸင်ႇမီးၶေႃႈႁၢမ်ႈဝႆႉၼင်ႇၼႆယဝ်ႉ။

7.ယႃႇၶိုၼ်ႈၶူႈလႆၶၢမ်ႈသိၵ်ႈ

ပေႃးဝႃႈၶိုၼ်ႈလူင်းၶူႈလႆၶၢမ်ႈသိၵ်ႈၼႆၸၢင်ႈႁဵတ်းႁႂ်လူမ်ႇလွင်ႈ ဢမ်ႇၼၼ်ၸၢင်ႈႁဵတ်းႁႂ်ႈတိၼ်လုတ်ႈတူၵ်းလွင်ႈၶူႈလႆ လႄႈၸၢင်ႈပဵၼ်ၽေးၼႆယဝ်ႉ။

ထႅင်ႈၵႂၢမ်းမၢႆၼိုင်ႈ ႁဵတ်းလွင်ႈၼႃႈၵၢၼ်သင်ၵေႃႈယႃႇႁဵတ်းၶၢမ်ႈၶၵ်ႉတွၼ်ႈ ႁႂ်ႈႁဵတ်းၵႂႃႇပဵၼ်ၶၵ်ႉပဵၼ်တွၼ်ႈ ၸင်ႇၸၢင်ႈထိုင်တီႈယွတ်ႈႁွတ်ႈတီႈပၢႆလႆႈၼႆယဝ်ႉ။

8.ယႃႇၶီႇလင်မႃ ၸၢင်ႈပဵၼ်ၶႃမၢၼ်း

ပေႃးဝႃႈၶီႈလင်မႃၼႆ ၵူဝ်မႃၼၼ်ႉၶူပ်း ၵူၼ်းၵေႃႉဢၼ်ၺႃးမႃၶူပ်းၼၼ်ႉ ၸၢင်ႈပဵၼ်ယွင်ႇပဵၼ်မႃႈ ဢမ်ႇၼၼ်ၸၢင်ႈပဵၼ်တၢင်းပဵၼ်ၶူပ်းၶူပ်းၶိုၼ်ႈၶိုၼ်ႈလႄႈ ၸင်ႇမီးၶေႃႈႁၢမ်ႈဝႆႉၼင်ႇၼႆယဝ်ႉ။

9.ယႃႇဢဵၼ်ႈၵၢၼ်ႈယူး ၸၢင်ႈပဵၼ်ၵူၼ်းယွင်ႇ

ၵွပ်ႈပိူဝ်ႈဝႃႈယူႈၼၼ်ႉပဵၼ်မဵဝ်းဢၼ်ဢဝ်ၽဵဝ်ႈပတ်းၸွမ်းပိုၼ်ႉ ၸွမ်းတီႈဢၼ်ဢမ်ႇမီးလွင်ႈလိူမ်ႈလႆႇမူတ်းသႂ်လႄႈ ဢမ်ႇထုၵ်ႇဢဝ်ဢဵၼ်ႈၼႆယဝ်ႉ။

10.ယႃႇတမ်ၶူၵ်ႉလၢႆ ၸၢင်ႈပဵၼ်ႁူၼူၵ်ႇ

ၶူၵ်ႉၼၼ်ႉပဵၼ်မဵဝ်းဢၼ်ၸႂ်ႉၼႂ်းၶွင်ႉသွင်ႇၾႆး တီႈမိုဝ်ႉၶဝ်ႈ ႁုင်ၽၵ်း လႄႈ ပေႃးဢမ်ႇသႂ်ႇသင်သေတမ်ၶူၵ်ႉဢဵၼ်လၢ်လၢ်ၼႆၸၢင်ႈႁဵတ်းႁႂ်ႈၶူၵ်ႉၼၼ်ႉတႅၵ်ႇ မၢင်ႈ ၸၢင်ႇမီးၶေႃႈႁၢမ်ႈဝႆႉၼင်ႇၼႆယဝ်ႉ။

11.ယႃႇထူမ်ႇၼမ်ႉလၢႆးၶိူၼ်ႈၽႃႉ ၸၢင်ႈတူၵ်းပႃႉႁူဝ်ၸဝ်ႈၵဝ်ႇ

 မၼ်းမီးတီႈပွင်ႇဝႃႈ ဢမ်ႇထုၵ်ႇလီ ပွင်ႉထႃႉ လႃႇပိူၼ်ႈ ၊ ဢမ်ႇထုၵ်ႇလီသေႉၼေးပိူၼ်ႈ ၊ ဢမ်ႇထုၵ်ႇလီၶႃႉၸိုဝ်ႈၶၢႆသဵင်ပိူၼ်ႈ ဢမ်ႇထုၵ်ႇလီထၢင်ႇလဵၵ်ႉပိူၼ်ႈၼႆယဝ်ႉ။ 

ပေႃးဝႃႈႁဝ်းမီးဢၵျၢင်ႉၸိူင်ႉၼႆၸိုင် ၶေႃႈၵႂၢမ်းဢၼ်ႁဝ်းလႆႈဝႃႈႁင်းပိူၼ်ၵႂႃႇၼၼ်ႉၸၢင်ႈၶိုၼ်းမႃးတူၵ်းတီႈတူဝ်ႁဝ်းၶိုၼ်းၼႆယဝ်ႉ။

12.ယႃႇတိုဝ်းသွၵ်းတိၼ်ယိပ်ႇၶဝ်ႈ ၵူဝ်ၾၼ်ၶဝ်ႈပၢႆႈ

ၵွပ်ႈပိူဝ်ႈဝႃႈၶဝ်ႈၼႆႉ ပဵၼ်ဢၼ်လဵင်ႉသၢႆၸႂ်ၵူၼ်းႁဝ်းလႄႈတူဝ်သတ်းတၢင်းလၢႆ ပဵၼ်မဵဝ်းဢၼ်သိုပ်ႇသၢႆၸႂ်ၵူၼ်းႁဝ်းတၢင်းလၢႆၼႆလႄႈ ၶဝ်ႈၼႆႉပဵၼ်ၶွင်သုင် မီးၵုင်ႇမုၼ်ၵေးၸူးတႃၵူၼ်းႁဝ်းတေႉတေႉၼႆလႄႈ ဢမ်ႇထုၵ်ႇလီတိုဝ်းၶႅပ်းတိၼ် သွၵ်းတိၼ်သေယဵပ်ႇၼႆယဝ်ႉ။

13.ယႃႇၼင်ႈၼိူဝ်မွၼ်ႁူဝ်

14.ယႃႉၼပ်ႉလၢဝ်ၼိူဝ်တွင်ႉၽႃႉ တွင်ႉၸၢင်ႈတႅၵ်ႇ

ၵႂၢမ်းၵပ်းထုၵ်ႇ

ၵ

ၵႂႃႇၼႃႈႁႂ်ႈလူလင် ၶူဝ်းသင်လိုမ်းၶိုၼ်းလႆႈ

ၵႂႃႇသိုဝ်ႈၼႃႈ မႃးသိုဝ်တႃ

ၵႆေၽးႁႂ်ႈဝေႈၽေး ၸမ်ၽေးယႃႇဝေႈၽေး

ၶ

င

ၸ

သ

ၺ

တ

ထ

ၼ

ပ

ၽ

ၾ

မ

ယ

လ

ရ

ဝ

ႁ

ဢ