တၢင်းပဵၼ်မဝ်းပၼ်ႇတႃလၢႆး

 

တၢင်းပဵၼ်မဝ်းပၼ်တႃလၢႆးလိုမ်းႁၢင်ႈလိုမ်းတူဝ်ၼႆႉမၼ်းဢမ်ႇၸႂ်ႈလွင်ႈပႅၵ်ႇပိူင်ႈသင်ၼႂ်းၵူၼ်းၸိူဝ်းဢၼ်ႁႅင်းၵမ်ႉတူဝ်ဢူၼ်ႈဢွၼ်ႇၶဝ်။ လိူဝ်ၼၼ်ႉၼႂ်းၵူၼ်းၸိူဝ်းၸပ်းတၢင်းပဵၼ်ပၢႆးၸႂ်ၶဝ်ၵေႃႈၸၢင်ႈပဵၼ်လႆႈယူႇဢေႃႈ။

ၼႂ်းၵူၼ်းၸိူဝ်းဢၼ်မီးပၢႆးယူႇလီတဵမ်ထူၼ်ႈၶဝ်မွၵ်ႈ 1/3 ၵေႃႈယၢမ်ႈပဵၼ်ၸိူင်ႉၼႆယူႇ။ ၵွပ်ႈၼၼ်လႄႈတၢင်းပဵၼ်မဝ်းပၼ်ႇတႃလၢႆးၼႆႉၵေႃႈပဵၼ်တၢင်းပဵၼ်ဢၼ်လီၵူဝ်သေပိူၼ်ႈဢၼ်ၼိုင်ႈၶႃႈယဝ်ႉ၊ မၼ်းၸၢင်ႈပဵၼ်မႃးတီႈၽႂ်ၵေႃႈလႆႈ ပေႃးဝႃႈႁဝ်းၵုမ်ႇမိုင်ႉႁဵတ်းၵၢၼ် ဢမ်ႇလႆႈလိုဝ်ႈလႆႈယင်ႉ ဢမ်ႇၵိၼ်ပၼ်တၢင်းၵိၼ်ဢၼ်မီးဢႁႃႇရသေလိုမ်းတူၺ်းထိုင်ပၢႆးယူႃလီတူဝ်ၸဝ်ႈၵဝ်ႇၼႆၸိုင်ၼႂ်းၵူၼ်းၼုမ်ႇၶဝ်ၵေႃႈၸၢင်ႈပဵၼ်လႆႈမိူၼ်ၵၼ်ယူႇၶႃႈဢေႃႈ။

ငဝ်းလၢႆးတၢင်းပဵၼ်ၼႆႉသမ်ႉ

1. တႃၽိူဝ်ႈတႃလၢႆး
2. ႁူဝ်ၸႂ်သတ်ႉ 
3. တွင်ႉၶူၼ်ႉ 
4. ၶႂ်ႈတူၼ်ႉၶႂ်ႈႁၢၵ်ႈ 
5. ၶႂ်ႈဢွၵ်ႇၼွၵ်ႈ 
6. ႁိူဝ်ႇဢွၵ်ႇၸွမ်းတူဝ် 
7. ၸၢင်ႈလိုမ်းႁၢင်ႈလိုမ်းတူဝ်

1 .သင်ဝႃႈၽူႈလႂ်မီးဢႃးၵၢၼ်ၼင်ႇတီႈလၢတ်ႈမႃးၽၢႆႇၼိူဝ်ၼႆႉၼႆၸိုင်ႁႂ်ႈၾၢင်ႉတူဝ်ၸဝ်ႈၵဝ်ႇဝႆႉ ၵွပ်ႈဝႃႈတၢင်းပဵၼ်ၼႆႉၸၢင်ႈပဵၼ်လႆႈၵူႈတီႈလႄႈၸၢင်ႈပဵၼ်လႆႈၼႂ်ႈၵူၼ်းၵူႈသႅၼ်းယူႇၶႃႈဢေႃႈ။

တၢင်းပဵၼ်မဝ်းပၼ်တႃလၢႆးၼႆႉတေပဵၼ်တီႈလႂ် ေတပဵၼ်မိူဝ်ႈလႂ်ၼႆမၼ်းႁူႉလႆႈလႄႈထုၵ်ႇလီႁူႉဝႆႉလၢႆးႁပ်ႇၶၢမ်ႇ လၢႆးႁေႉၵင်ႈမၼ်းဝႆႉယူႇၶႃႈ၊ သင်ဝႃႈဢမ်ႇႁူႉလၢႆးႁေႉၵင်ႈသေပဵၼ်ၵႂႃႇၼႆ ၸၢင်ႈပဵၼ်ၽေးႁၢႆႉႁႅင်းလႄႈ ၸၢင်ႈလူႉသဵင်ႈသၢႆၸႂ်ၵေႃႈပဵၼ်လႆႈဢေႃႈ။

လၢႆးႁေႉၵင်ႈမိူဝ်ႈႁူႉဝႃႈတေပဵၼ်

သင်ဝႃႈၽူႈလႂ်ဢွၵ်ႇဢႃးၵၢၼ် ငဝ်းလၢႆးမိူၼ်ၼင်ႇ 7 ႁူဝ်ၶေႃႈပႃႈၼိူဝ်ၼႆႉၼႆၸိုင်ပွင်ႇဝႃႈၵူၼ်းၵေႃႉၼၼ်ႉတေပဵၼ်လူမ်းမဝ်းၼႆယဝ်ႉၶႃႈဢေႃႈ၊ သင်ဝႃႈၽွင်းယၢမ်းၼၼ်ႉတိုၵ်ႉယူႇဝႆႉၼႂ်းတီႈဢၼ်ၸၢင်ႈပဵၼ်ေၽးတေႃႇတူဝ်ၸဝ်ႈၵဝ်ႇၼႆၵေႃႈႁႂ်ႈဢွၵ်ႇၼႂ်းဢွင်ႈတီႈၼၼ်ႉႁဵတ်းဝႆးၶႃႈ၊ မိူၼ်ၼင်ႇပႃႈတႂ်ႈၼႆႉ

• ၼိူဝ်တူၼ်ႈမႆႉ
• ၼိူဝ်သဵၼ်ႈတၢင်းလူတ်ႉၵႃး
• ၼႂ်းၼမ်ႉ

သင်ႁူႉဝႃႈတေပဵၼ်လူမ်းမဝ်း ဢွၼ်တၢင်းသုတ်းႁႂ်ႈၼင်ႈလူင်းဢမ်ႇၼၼ်ၼွၼ်းၵေႃႈလႆႈ ဝင်ဢမ်ႇၼင်ႈလူင်းၼႆၸိုင်ၸၢင်ႈႁဵတ်းႁႂ်ႈႁဝ်းလိုမ်းတူဝ်သေလူမ်ႉလူင်းၶႃႈဢေႃႈ သင်ဝႃႈလူမ်ႉလူင်းသႂ်ႇၼိူဝ်ပိုၼ်ႉဢၼ် ၵႅၼ်ႇၶႅင်ၸၢင်ႈႁဵတ်းႁႂ်ႈႁူဝ်တႅၵ်ႇလႆႈလႄႈသင်လူမ်ႉလူင်းသႂ်ႉမႆႉလႅမ်ဢမ်ႇၼၼ်ၾႃႉမိတ်ႈၸိူဝ်းၼႆႉၸၢင်ႈႁဵတ်းႁႂ်ႈလႆႈတၢင်းမၢတ်ႇၸဵပ်းႁၢႆႉႁႅင်းထိုင်သၢႆၸႂ်ဢေႃႈ။

သင်ဝႃႈၼင်ႈလူင်းၼႆတေႁဵတ်းႁႂ်ႈတႃၽိူဝ်ႈတႃလၢႆးတွင်ႉၶူၼ်ႉၶႂ်ႈတူၼ်ႉၶႂ်ႈႁၢၵ်ႈၸိူဝ်းၼၼ်ႉႁၢႆၵႂႃႇၵမ်းလဵဝ်လႄႈတေလီမႃးမိူၼ်ႇၵဝ်ႇယူႇၶႃႈ။

ထူၺ်ႈၸႂ်လိုၵ်ႉလိုၵ်ႉ မိူဝ်ႈထၢတ်ႈၸႂ်တူၵ်းသုၵ်ႉသၵ်ႉၼႂ်းဢူၵ်းၼႂ်းၸႂ်ဢွၵ်းဢေႃဢမ်ႇၸိူၼ်ႈလႅင်း ထူၺ်ႈၸႂ်ဝႆးလိူဝ်ၵဝ်ႇၽိတ်းပိူင်ၸိူဝ်းၼႆႉၸၢင်ႈႁဵတ်းႁႂ်ႈတႃႇပၼ်ႇတႃလၢႆးတွင်ႉၶူၼ်ႉလႄႈၸၢင်ႈပဵၼ်လူမ်းမဝ်းယဝ်ႉ။

ႁႃဢွင်ႈတီႈတီႈဢၼ်ၼွၼ်းလႆႈလႄႈၼွၼ်းယုၵ်ႉတိၼ်ႁႂ်ႈပူၼ်ႁူဝ်တေၸွႆႈႁႂ်ႈတၢင်းပဵၼ်ၼၼ်ႉဢမ်ႇတၼ်းပဵၼ်ႁႅင်းလႄႈၸဵဝ်းၸိုၼ်ႈၶႅၼ်းၶႃႈယဝ်ႉ။

ဝႆႉၸႂ်လီလီ ယႃႇဝူၼ်ႉၼမ် ယႃႇပေဢဝ်တၢင်းဝူၼ်ႉသႂ်ႇၸႂ် ၊ လွင်ႈသုၵ်ႉယုင်ႈၼႂ်းၸႂ်ၼၼ်ႉပွႆႇပႅတ်ႈႁႂ်ႈမူတ်း ၊ ဝႆႉၸႂ်ၼိမ်ၼိမ် ၼင်ႈသမႃႇထီႉ ၊ ႁဵတ်းႁႂ်ႈမိူၼ်ၼင်ႈသေထွမ်ႇတြႃး ၊ တေႁဵတ်းႁႂ်ႈၵူႈၸိူဝ်းၵူႈလွင်ႈလီၶိုၼ်ႈမႃးၶႃႈဢေႃႈ။

မိူဝ်ႈပဵၼ်လူမ်းလိုမ်းတူဝ်သေၶိုၼ်းႁူႉတူဝ်တိုၼ်ႇၶိုၼ်ႈမႃး မၢင်ၵေႃႉလိုမ်းတူဝ်သေၶိုၼ်းႁူႉတူဝ်မႃးၼၼ်ႉတေႁွင်ႉ တေၵႂင်ၸႂ် ယဵဝ်ႈလၼ် ၵူၺ်းၵႃႈယႃႇတူၵ်းၸႂ် ဝႆႉၸႂ်ၼိမ်ၼိမ်သေႁဵတ်းၸွမ်းၼင်ႇတီႈတႂ်ႈၼႆႉၶႃႈ။

• ၼင်ႈ ဢမ်ႇၼၼ်ၼွၼ်းလိုဝ်ႈၸူဝ်ႈၵႅပ်ႉ
• ပေႃးႁူႉတူဝ်ဝႃႈလီၶိုၼ်းယဝ်ႉၵေႃႈလုၵ်ႉၶိုၼ်ႈၵမ်းလွႆးလွႆး
• ပေႃးယူႇၵေႃႉလဵဝ်ႁႂ်ႈႁွင်ႉႁႃၵူၼ်းၸွႆႈ

ၵႂႃႇႁႃမေႃ ပိူဝ်ႈတႃႇၵူတ်ႇထတ်းလွင်ႈတၢင်းမၼ်းသေႁႃလၢႆးေႁႉၵင်ႈၼင်ႇႁိုဝ်တေဢမ်ႇၸၢင်ႈပဵၼ်ထႅင်ႈ။

ႁဵၼ်းႁူႉလွင်ႈပွင်ႇၸႂ် လွင်ႈတၢင်းဢၼ်ပဵၼ်တႃလၢႆး ႁူဝ်မဝ်း ပဵၼ်လူမ်း ၊ ၸၢင်ႈၸွႆႈႁႂ်ႁူႉၶၢဝ်းယၢမ်း ဢၼ် ၵႆႉပဵၼ်လႄႈတေလႆႈႁဵတ်းၸိူင်ႉႁိုဝ်သင်ဝႃႈပဵၼ်မႃးထႅင်ႈၼႂ်းဝၼ်းတၢင်းၼႃႈထႅင်ႈ။

လွင်ႈတၢင်းမၼ်းဢၼ်တေၸၢင်ႈပဵၼ်ႁႅင်းလိူတ်ႈတႅမ်ႇမိူဝ်ႈလိုမ်းတူဝ်ၸူဝ်ႈၵႅပ်ႉလႄႈဢဵၼ်သဵၼ်ႈပရသၢတ်ႇသေးၵသ်ႉၶွင်ႁူဝ်ႁဵတ်းၵၢၼ်ဢေႇလူင်း 

• ႁူဝ်ၸႂ်ဝၢႆး
• သုၵ်ႉႁူသုၵ်ႉၸႂ်ၼမ်
• ႁူဝ်ၸႂ်တူင်ႉၽိတ်းပိူင်ႈ
• ၵိုင်ႉၵၢင်ႉလုၵ်ႉၶိုၼ်ႈၼႃႇပူၼ်ႉတီႈ
• ယူပ်ႈယွမ်းလွင်ႈၵိၼ်ၼမ်ႉလႄႈၶဝ်ႈၽၵ်းဢၼ်မီးဢႁႃႇရ

လၢႆးၾၢင်ႉ

ပေႃးႁူႉတူဝ်ဝႃႈတေပဵၼ်လူမ်းၼႆၸိုင်ဢၼ်ၸၢင်ႈၸွႆႈလႆႈတီႈဢေႇသုတ်းတႄႉတေဢမ်ႇႁဵတ်းႁႂ်ႈမၢတ်ႇၸဵႅပ်း၊ ၵွပ်ႈႁူႉဝႃႈတေပဵၼ်လူမ်းၼႆသေၼႅတ်ႈၵႂႃႇတီႈဢၼ်လွတ်သေယွၼ်းတၢင်းၸွႆႈထႅမ်ၵူၼ်းႁိမ်းႁွမ်း ၊ မီးလၢႆလွင်ႈတၢင်းဢၼ်ပၼ်ၾၢင်ႉဝႃႈတေပဵၼ်လူမ်း👇

1. တူၺ်းႁၼ်သႅင်မၢပ်ႈႁိူဝ်ႈ
2. တႃမိုတ်းတႃလၢႆး ႁူဝ်မဝ်း
3. တူဝ်ႁဝ်ႉလႄႈမီးႁိူဝ်ႇဢွၵ်ႇ
4. တွင်ႉၶူၼ်ႉ
5. ၼႃႈႁႅတ်ႇ
6. တူယ်းႁၼ်သင်ဢမ်ႇၸႅင်ႈ

လၢႆးႁေႉၵင်ႈ

ၵူၼ်းၸိူဝ်းယၢမ်ႈပဵၼ်လူမ်းမဝ်းပၼ်ႇတႃလၢႆးၶဝ်တေႁူႉလီဝႃႈမၼ်းဢမ်ႇၸႂ်ႈလွင်ႈမူၼ်ႈသိူဝ်း

သမ်ႉသႃႈၵူၼ်းၵမ်ႈၽွင်ႈၶဝ်ဢမ်ႇယၢမ်ႈပဵၼ်သေတ၊

ၵူၼ်းၸိူဝ်းယၢမ်ႈပဵၼ်ၶဝ်တႄႉတေႁူႉလၢႆးႁေႉၵင်ႈၼင်ႇႁိုဝ်တေဢမ်ႇထႅင်ႈၼႂ်းဝၼ်းတၢင်းၼႃႈၼႆယူႇ၊ လွင်ႈတၢင်းပဵၼ်မဝ်းပၼ်ႇတႃလၢႆးၼႆႉႁေႉၵင်ႈလႆႈသင်ဝႃႈလုမ်းလႃးပၢႆးယူႇလီ ၵိၼ်ပၼ်ၽၵ်းဢၼ်မီးဢႁႃႇရၽၵ်းမဵဝ်းဢၼ်မီးထၢတ်ႈပဵၼ်ႇမႃႇပဵၼ်ႁႅင်းတေႃႇတူဝ်ၶိင်း။

မိူဝ်ႈတိုၵ်ႉၼင်ႈၼွၼ်းယူႇၼၼ်ႉသင်တေလုၵ်ႉၶိုၼ်ႈၸိုင်ႁႂ်ႈလုၵ်ႉၶိုၼ်ႈလွႆးလွႆး

ပေႃးၵိုင်ႉၵၢင်ႉလုၵ်ႉၶိုၼ်ႈၼႆတႄၸၢင်ႈႁဵတ်းႁႂ်ႈတႃလၢႆးႁူဝ်မဝ်းလႆႈငၢႆႈ

လွင်ႈထုၵ်ႇလီဝေႈယၢၼ်ၵႆ

1. လႅၼ်းယႃႈ
2. ၵေႃႇၽီႇၵူႈမဵဝ်း
3. လဝ်ႈ ပီႇယႃႇ

ၵွပ်ႈပိူဝ်ႈဝႃႈၶွင်ၸိူဝ်းၼႆႉမၼ်းမီးတူဝ်ယႃၵွင်ႉသၢၼ်ၶေးမီးပဵၼ်ပိူင်လူင်ၸၢင်ႈႁဵတ်းႁႂ်ႈလွင်ႈၼိမ်သဝ်းၼႂ်းတူဝ်ၶိင်းႁဝ်းၼၼ်ႉလူႉသေတေၸၢင်ႈပဵၼ်လူမ်းလႆႈငၢႆႈ။

ယႃႇပေယူႇၼႂ်းဢွင်ႈတီႈတီႈဢၼ်ဢမ်ႇမီးလူမ်းပဝ်ႇထွင်းတေၸၢင်ႈႁဵတ်းႁႂ်ႈထူၺ်ႈၸႂ်ဝႆးၽိတ်းပၵ်းၽိတ်းပိူင်။

ယႃႇပေဢၢပ်ႇၼမ်ႉဢုၼ်ႇ ၼမ်ႉဢုၼ်ႇၼၼ်ႉမၼ်းႁဵတ်းႁႂ်ႈတူဝ်ၶိင်းႁဝ်းမူတ်းသႂ်သေတႃႉၸၢင်ႈႁဵတ်းႁႂ်ႈပဵၼ်လူမ်းမဝ်းလႆႈမိူၼ်ၵၼ်။